Allt fyrir góðan svefn og betri heilsu

Samkvæmt Gallup hefur verslunin stærstu markaðshlutdeildina á Íslandi í sölu á rúmum en undanfarinn áratug hefur um fjórðungur landsmanna sofið á heilsudýnu frá versluninni.

Eigendur Svefns & heilsu, hjónin Sigurður Matthíasson og Elísabet Traustadóttir, stunduðu nám í Bandaríkjunum fyrir rúmum 30 árum síðan. Siggi Matt var á skólastyrk og keppti í spjótkasti fyrir hönd Háskólans í Alabama auk þess að útskrifast úr íþrótta- og framtíðarfræðum. Elísabet lét draum sinn rætast um að verða grafískur hönnuður og fjölmiðlafræðingur.

Þegar þau komu heim úr námi báðu vinir og fjölskylda þau um að kaupa fyrir sig amerískar dýnur. Þannig hófst innflutningurinn og skömmu síðar stofnuðu þau Svefn & heilsu.

Fyrst um sinn ráku þau litla verslun í Listhúsinu í Laugardal en með árunum stækkaði hún og þau opnuðu fljótlega útibú á Akureyri enda á Siggi Matt ættir sínar m.a. að rekja til Norðurlands. Hann varð strax mjög áhugasamur um að líkaminn fengi réttan stuðning þegar fólk svæfi og fór að vinna að dýnuþróun í samvinnu við virta erlenda dýnuframleiðendur sem seldar eru um allan heim í dag.

Svefn og heilsa býður upp á mikið úrval af heilsudýnum í mörgum verðflokkum. Allar dýnurnar eru með alþjóðlegum gæðastimplum og standast ströngustu kröfur segir Siggi Matt. „Við látum sérframleiða fyrir okkur svæðaskiptar heilsudýnur með íslenskum nöfnum.

Þær eru á frábærum verðum og heita Ýmir, Valhöll, Frigg, Óðinn og Iðunn. Valhöll er sem dæmi gríðarlega vinsæl sem hágæða hóteldýna. Við leggjum síðan mikla áherslu á heilsudýnurnar frá Bodyprint og Fylds’ sem eru framleiddar í hæsta gæðaflokki ásamt stillanlegum botnum frá Reverie. Þar er reynt að velja allra bestu efni sem völ er á til að framleiða fullkomnar heilsudýnur sem styðja rétt við líkamann.“

Bodyprint framleiðir nokkrar tegundir af svæðaskiptum heilsudýnum í nokkrum stífleikum að sögn Sigga. „Fylds sérhæfir sig í handunnum heilsudýnum með náttúrulegum efnum í bólstrun sem heita m.a. GHENT og NÓTT. Heilsudýnan NÓTT er skemmtilegt samstarfsverkefni þar sem íslensk ull frá ÍSTEX er notuð í bólstrun og einangrun dýnunnar.“

Stillanlegu botnarnir okkar frá Reverie hafa verið gríðarlega vinsælir. „Reverie er einn stærsti framleiðandi heims í stillanlegum rúmum og framleiðir fyrir okkur botn sem við teljum vera í sérflokki varðandi tæknilausnir og einfalda notkun. Því ættu allir að geta fundið sér eitthvað til hæfis, segir Siggi Matt.

„Hægindastólar og svefnsófar eru líka vinsæl vara í verslunum okkar,“ bætir Matthildur Fanney Jónsdóttir verslunarstjóri við. „Við erum einnig með mjög gott úrval af öðrum vörum eins og höfuðgafla, náttborð, sængurföt rúmteppi, lök, hlífðardýnur, sængur, kodda, handklæði, sloppa og margt fleira.“

Elísabet segir verslunina bjóða einnig upp á ýmis góð merki í mjúkvörunum. „Þar má til dæmis nefna HEFEL sem er það allra besta sem við höfum kynnst í sængurverum. Þá eru Vandyck mjög góðir í öllum mjúkvörum en lökin frá þeim eru einstaklega góð. Mine sængurverin úr egypskri bómull hafa verið vinsælust hjá okkur og gefa HEFEL lítið eftir.“

Eftir að hafa staðið saman í verslunarrekstri í rúma þrjá áratugi segja þau Siggi Matt og Elísabet verslunarreksturinn alltaf jafn skemmtilegan og gefandi. „Við þökkum viðskiptavinum okkar og starfsfólki fyrir frábært samstarf á liðnum árum,” segja þau að lokum.

Umboðsaðilar Svefns & heilsu eru Bara Snilld á Egilsstöðum og Húsgagnaval á Höfn í Hornafirði.

Nánari upplýsingar á svefnogheilsa.is.