Fótbolti

Albert og Kristian í fyrsta landsliðshópi Hareides

Ingvi Þór Sæmundsson skrifar
Albert Guðmundsson lék einkar vel með Genoa í ítölsku B-deildinni í vetur.
Albert Guðmundsson lék einkar vel með Genoa í ítölsku B-deildinni í vetur. vísir/hulda margrét

Albert Guðmundsson, leikmaður Genoa, snýr aftur í íslenska landsliðið sem mætir Slóvakíu og Portúgal í undankeppni EM 2024.

Åge Hareide hefur tilkynnt sinn fyrsta landsliðshóp og mun svara spurningum um hann á blaðamannafundi í höfuðstöðvum KSÍ klukkan 11:00.

Eins og Hareide hafði lofað er Albert í hópnum sem telur 25 leikmenn. Albert lék ekki með landsliðinu í síðustu leikjum landsliðsins undir stjórn Arnars Þórs Viðarssonar en þeir áttu ekki skap saman.

Birkir Bjarnason snýr einnig aftur í hópinn en hann var ekki valinn síðast. Birkir, sem er leikjahæsti leikmaður í sögu landsliðsins, er nýgenginn í raðir Viking í Noregi.

Kristian Nökkvi Hlynsson, leikmaður Ajax, er eini nýliðinn í fyrsta landsliðshópi Hareides. Willum Þór Willumsson, leikmaður Go Ahead Eagles, er einnig valinn í fyrsta sinn í nokkuð langan tíma.

Íslenski landsliðshópurinn

Markverðir

  • Elías Rafn Ólafsson – 2000 – 4 leikir – 0 mörk
  • Rúnar Alex Rúnarsson – 1995 – 22 leikir – 0 mörk
  • Hákon Rafn Valdimarsson – 2001 – 4 leikir – 0 mörk

Varnarmenn

  • Hörður Björgvin Magnússon – 1993 – 46 leikir – 2 mörk
  • Daníel Leó Grétarsson – 1995 – 13 leikir – 0 mörk
  • Sverrir Ingi Ingason – 1993 – 40 leikir – 3 mörk
  • Guðlaugur Victor Pálsson – 1991 – 34 leikir – 1 mark
  • Alfons Sampsted – 1998 – 15 leikir – 0 mörk
  • Valgeir Lunddal Friðriksson – 2001 – 5 leikir – 0 mörk

Miðjumenn

  • Jóhann Berg Guðmundsson – 1990 – 84 leikir – 8 mörk
  • Birkir Bjarnason – 1988 – 113 leikir – 15 mörk
  • Aron Einar Gunnarsson – 1989 – 101 leikur – 5 mörk
  • Arnór Ingvi Traustason – 1993 – 46 leikir – 5 mörk
  • Ísak Bergmann Jóhannesson – 2003 – 18 leikir – 3 mörk
  • Þórir Jóhann Helgason – 2000 – 16 leikir – 2 mörk
  • Mikael Neville Anderson 1998 – 20 leikir – 2 mörk
  • Jón Dagur Þorsteinsson – 1998 – 26 leikir – 4 mörk
  • Hákon Arnar Haraldsson – 2003 – 9 leikir – 1 mark
  • Kristian Nökkvi Hlynsson – 2004
  • Willum Þór Willumsson – 1998 – 1 leikur - 0 mörk
  • Mikael Egill Ellertsson – 2002 – 12 leikir – 1 mark
  • Arnór Sigurðsson – 1999 – 27 leikir – 2 mörk

Framherjar

  • Albert Guðmundsson – 1997 – 33 leikir – 6 mörk
  • Sævar Atli Magnússon – 2000 – 2 leikir – 0 mörk
  • Alfreð Finnbogason – 1989 – 65 leikir – 15 mörk

Ísland mætir Slóvakíu 17. júní og Portúgal þremur dögum síðar. Báðir leikirnir fara fram á Laugardalsvelli. Íslendingar eru með þrjú stig eftir tvo leiki í 4. sæti J-riðils undankeppninnar.

KSÍ Landslið karla í fótbolta EM 2024 í Þýskalandi

Mest lesið


Fleiri fréttir

Sjá meira


×

Mest lesið