Missti stjórn á bílnum og endaði uppi á hól

Að sögn Ásgeirs Halldórssonar, aðstoðarvarðstjóra hjá Slökkviliðinu á höfuðborgarsvæðinu, var ökumanninum ekið á bráðamóttöku Landspítalans til aðhlynningar en hann er þó ekki alvarlega slasaður.

Þá segir hann að dælubíll sé á staðnum til þess að hreinsa upp olíu og þess háttar eftir slysið.

Frænka ökumannsins, eldri konu sem talar hvorki íslensku né ensku, segir hana hafa þurft að beygja út af veginum eftir að ekið var fram úr henni á miklum hraða.

Þá segir hún að konan sé enn á sjúkrahúsi eftir atvikið og að hún hafi átt erfitt með samskipti við sjúkraflutningamenn og lækna vegna tungumálaörðugleika.

Fréttin hefur verið uppfærð eftir að frænka ökumannsins setti sig í samband við Vísi.