Óumbeðin ástarbréf eldklárra og eftirsóttra gella

Magnús Jochum Pálsson skrifar 15. júní 2023 09:34

Listahópurinn Eldklárar og eftirsóttar gefa út ljóðasafnið Óumbeðin ástarbréf í dag. Safnið inniheldur nafnlaus ástarbréf í formi ljóða. Aðsent

Fjöllistahópurinn Eldklárar og eftirsóttar gefa í dag út ljóðabókina Óumbeðin ástarbréf á Slippbarnum við gömlu höfnina í Reykjavík.

Hingað til hafa Eldklárar og eftirsóttar getið sér gott orð sem spunahópur en nú ætla þær að láta reyna á ljóðabókaútgáfu af því, eins og þær segja sjálfar, „svona gáfaðar og heitar konur geta allt!“

Útgáfuhófið verður haldið klukkan 17.00 á Slippbarnum þar sem aðdáendur og aðrir góðir gestir geta skálað, keypt bók og hlustað á upplestur á nokkrum ljúfum ástarljóðum. Einnig verður í rýminu innsetning innblásin af ljóðunum sem mun standa til 15. júlí.

Spunahópur færir út kvíarnar

Eldklárar og Eftirsóttar er sjálfstæður hópur listakvenna sem hefur komið fram sem spunahópur síðan árið 2021. Þær hafa sýnt með Improv Ísland, á Reykjavík Fringe og hafa haldið sjálfstæðar sýningar í Tjarnarbíói.

Eldklárar og eftirsóttar koma af ýmsum sviðum samfélagsins.Aðsent

Hópinn skipa: Ebba Sigurðardóttir, Gríma Kristjánsdóttir, Gunnlöð Jóna Rúnarsdóttir, Heiða Vigdís Sigfúsdóttir, Laufey Haraldsdóttir, Rebekka Magnúsdóttir og Sunna Björg Gunnarsdóttir.

Í þessari fjölbreyttu flóru má finna ljósmyndara, uppistandara, rithöfund, leikkonur, keramiklistakonu, lögfræðing, hagfræðing, mæður og fráskildar frúr.

Fyrir þau sem ekki sjá sér fært að mæta á útgáfuhófið vegna alvarlegra afsakana fá annað tækifæri til að sjá þessar frænku konur á sviðslistahátíðinni Reykjavík Fringe þar sem þær munu sýna spuna á Kiki, 28. og 29. júní næstkomandi.

Ljóðlist Menning Reykjavík