Lífið

Annað barn Trainor og Sabara komið í heiminn

Máni Snær Þorláksson skrifar
Barnið kom í heiminn þann 1. júlí síðastliðinn.
Barnið kom í heiminn þann 1. júlí síðastliðinn. Instagram

Annað barn söngkonunnar Meghan Trainor og leikarans Daryl Sabara, sem er hvað þekktastur fyrir hlutverk sitt í Spy Kids myndunum, er komið í heiminn. Drengurinn fæddist þann 1. júlí síðastliðinn og fékk nafnið Barry Bruce Trainor.

Trainor deilir fréttunum í færslu sem hún birtir á Instagram-síðu sinni. Þar segir Trainor að Barry hafi fæðst þegar einmitt sjö ár voru liðin frá fyrsta stefnumóti hennar og Sabara. Þá segir hún að Barry hafi verið stór en hann var rúm 3,8 kíló þegar hann fæddist.

Í færslunni segir Trainor einnig að Barry hafi snúið öfugt og því hafi hún þurft að fara í keisaraskurð. Hún segir hann hafa heppnast frábærlega. Söngkonan þakkar að lokum öllum læknunum og hjúkrunarfræðingunum sem hugsuðu um þau á fæðingardeildinni.

Þau Trainor og Sabara eiga fyrir eitt barn, soninn Riley sem fæddist í febrúar árið 2021.

Hollywood Barnalán

Tengdar fréttir



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.