Kúkaði á sig á miðjum tón­leikum

Jonas opnaði sig um þetta atvik í ástralska útvarpsþættinum Will & Woody. Þar var hann beðinn um að segja sögu sem hann hafði aldrei sagt neinum áður. Þar sagðist hann hafa verið að tala um það með vinum sínum hvenær þeir kúkuðu síðast á sig.

Sjálfur hafi Jonas síðast kúkað á sig á sviði fyrir fjórum árum. Hann hafi náð að bjarga sér með því að drífa sig í búningaskipti, áður en þau áttu að eiga sér stað. „Við getum sagt að þetta hafi verið slæmur dagur til að ákveða að klæðast hvítu,“ segir hann.

„Þetta er saga sem ég hef aldrei sagt neinum og þetta er líka bara hluti af lífinu.“

Þá sagði hann að það væri ábyggilega til myndbönd af honum á sviðinu þar sem hann klæðist hvítum buxum og svo allt í einu einhverju öðru. „Ég er viss um að ég gæti fundið það.“

Þetta er ekki í fyrsta skipti sem tónlistarmaður opnar sig um að hafa kúkað á sig á miðjum tónleikum. Íslenski tónlistarmaðurinn Mugison rifjaði það upp í Tónlistarmönnunum okkar fyrr á þessu ári. Hann brást þó aðeins öðruvísi við en Jonas bróðirinn.