Lífið

Hlýleg og nútímaleg miðbæjarperla

Svava Marín Óskarsdóttir skrifar
Húsið er byggt árið 1980.
Húsið er byggt árið 1980. Fasteignaljósmyndun

Á vinsælum stað í hjarta Reykjavíkur má finna sjarmerandi 60 fermetra íbúð á þriðju hæð. Húsið er byggt árið 1980 en íbúðin var öll endurnýjuð að innan árið 2021. 

Um er að ræða notalega íbúð við Klapparstíg 18 þar sem stutt er að sækja menningartengda viðburði sem og almenna þjónustu. 

Í lýsingu eignarinnar á fasteignavef Vísis kemur fram að íbúðin skiptist í lítið andyri, baðherbergi, hjónaherbergi, og bjart alrými sem samanstendur af eldhúsi, stofu og borðstofu. Útgengt er úr stofu á skjólgóðar og stórar svalir sem snúa í vestur. 

Í eldhúsi er rúmgóð svört eldhúsinnrétting með góðu skápaplássi og nýjum eldhústækjum. Áföst eyja með viðarklæðningu skilur eldhús og borðstofu af. 

Á jarðhæð hússins er geymsla sem fylgir íbúðinni auk sér stæði í bílakjallara. 

Líkt og sjá má á meðfylgjandi myndum hafa húsráðendur búið sér afar sjarmerandi og hlýlegt heimili. 

Eldhús, borðstofa og stofa er í samliggjandi og opnu rými. Fasteignaljósmyndun
Borðstofan er hlýleg og tengir eldhús og stofu saman.Fasteignaljósmyndun
Úr stofu er útgengi á rúmgóðar yfirbyggðar, opnanlegar og skjólsælar svalir til vesturs.Fasteignaljósmyndun
Hjónaherbergi er rúmgott með góða skápa.Fasteignaljósmyndun
Baðherbergi er með vegghengdu salerni, rúmgóðri sturtu með skyggðu gleri. Fasteignaljósmyndun
Í holi er flotað gólf, fatahengi og klæðning á vegg frá Ebson. Fasteignaljósmyndun
Stórar svalir snúa til vesturs.Fasteignaljósmyndun
Íbúðin er á þriðju hæð.Fasteignaljósmyndun
Hús og heimili Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.