Mikilvægt að gera almennilegar ískúlur og vera ekki dónalegur Magnús Jochum Pálsson skrifar 19. ágúst 2023 07:00 Systkinin fá að vera sjálfstæð í íssölunni. Foreldrarnir grípa ekki inn í nema þegar tungumálaörðugleikar hamla viðskiptin. Vísir/Vilhelm Systkinin Jökull og Lóa verða með ísbúð í miðbænum á menningarnótt þriðja árið í röð. Krakkana dreymdi um að verða íssalar og slógu til fyrir tveimur árum. Íssalan verður metnaðarfyllri með hverju árinu. Guðmundur Jökull og Guðrún Lóa Gunnarsbörn eru yfirleitt kölluð Jökull og Lóa. Þrátt fyrir að vera einungis sjö og tíu ára eru þau orðin gömul í hettunni þegar kemur að íssölu. Í fyrra voru systkinin með ísbúðina opna langt fram á kvöld.Aðsent Þau opna ísbúð sína í þriðja sinn klukkan tvö í dag á Baldurstorgi við hliðina á Þremur frökkum. „Þetta var búið að vera draumurinn hjá þeim báðum,“ sagði Elín Vigdís Guðmundsdóttir, móðir systkinanna, um stofnun ísbúðarinnar. „Aðallega hjá Jökli að verða ísmaður. Hann er ekkert rosalega hrifinn af ís sjálfur en honum finnst ótrúlega gaman að gefa öðrum ís.“ „Lóa er búin að vera með tombólur og alls konar sölur á torginu fyrir utan húsið okkar þegar það er gott veður. Hún þekkir alla í bænum og allir þekkja hana,“ segir Elín. „Leiðsögumenn með ferðamannahópa kalla hana frumkvöðulinn í miðbænum.“ Skemmtilegast að gera kúlur og spjalla við kúnnana Elín segir að þau foreldrarnir reyni að skipta sér sem minnst af, börnin sjái um söluna alveg sjálf. Vísir fékk því að ræða íssalana í gær til að forvitnast um þessa frumkvöðlastarfsemi. Af hverju ákváðuð þið að byrja með ísbúð? „Ég elskaði ís og mér fannst svo gaman að vera sölukona. Pabbi var alveg til í að búa til bás úr nokkrum spýtum í kjallaranum. Þannig við byggðum bás og mamma og pabbi hjálpuðu okkur,“ segir Lóa um íssöluna. Systkinin mála básinn hvítan í fyrsta skipti árið 2021.Aðsent „Í byrjuninni var ég að selja og leyfði fólki að gefa bara peninginn sem þau vildu borga. Á síðasta ári fékk ég hugmynd um hvað það ætti að kosta og núna veit ég það alveg, tipp-topp,“ segir hún. Þið hafið þá lært mikið af því að vera með ísbúðina? „Jepsí, Pepsí,“ segir Lóa. Hvað er best við að vera með ísbúð? „Örugglega að fá að gera ísinn og að fá að tala við kúnnann,“ segir Lóa og Jökull tekur undir: „Það er rétt, að gera kúlur.“ Verður maður aldrei feiminn við fólkið? „Stundum, en oftast ekki,“ segir hann. Að sögn krakkanna er skemmtilegast að búa til ískúlurnar.Vísir/Vilhelm Er ekkert erfitt að vera með ísbúð? „Stundum, þegar kúnnarnir eru erfiðir og þegar ísinn er alltof harður svo maður getur ekki gert kúlur,“ segir Lóa. Og hvað verður maður að passa þegar maður opnar ísbúð? „Maður verður að passa að gera almennilega kúlu og maður má alls ekki vera dónalegur. Maður verður að passa að gera ekki alltof hátt eða alltof lágt verð,“ segir Lóa. Stórhuga um framtíð ísbúðarinnar Þrátt fyrir að vera aðeins með einn bás eru krakkarnir með fjölbreytt úrval af ís og kurli. Þau eru líka með metnaðarfull plön fyrir framtíðina. Hvað getur fólkið keypt hjá ykkur? „Það verður jarðaberjaís,“ segir Jökull og bætir Lóa þá við að það verði líka vegan jarðarberjaís eftir að vegan fólk gat ekki fengið sér ís hjá þeim í fyrra. „Vanilluís líka og súkkulaðiís,“ segir Jökull en þau borða að vísu ekki súkkulaðiís sjálf. Einu börnin í hverfinu eins og móðir þeirra orðar það. „Það er hægt að fá súkkulaðisósu, einhvers konar kurl, ber, ávexti og nammi,“ segir Jökull. Maður verður að passa sig að gera almennilega kúlur þegar maður selur ís. Og passa að halda verðinu réttu.Vísir/Vilhelm En þið hafið líka verið að pæla í nýjungum fyrir ísbúðina? „Næsta sem við myndum gera er að gera þak yfir okkur líka,“ segir Lóa og bætir Jökull við „og að festa lök til að gera veggi.“ Krakkarnir veltu því fyrir sér að vera með ísvél og bjóða upp á bragðarefi. Þau ætla hins vegar að fara rólega af stað í nýjungum, byrja kannski á að bjóða upp á trúðaís. Hvað mynduð þið fá ykkur ef þið væruð kúnnar í ísbúðinni? „Ég myndi örugglega fá mér vanilluís með Skittles,“ segir Lóa. „Ég myndi fá mér jarðarberjaís með einhvers konar kurli,“ segir Jökull. Hvað á eftir að gera fyrir morgundaginn? „Það á eftir að mála,“ segir Lóa. „Og þrífa smá, skítugu málninguna,“ bætir Jökull við. „Og kaupa brauðformin og ísinn. Bara smá eftir og við gerum það í einum grænum,“ segir Lóa. Ís Matur Krakkar Menningarnótt Reykjavík Mest lesið Rokkar pils sem bol og snýr flíkum öfugt Tíska og hönnun Óvíst hvort Ísland verði með í Eurovision Lífið „Ég elskaði þig í fyrra lífi, ég elska þig í þessu lífi og mun finna þig í næsta“ Lífið Heitustu trendin í haust Lífið Innblásturinn að gamanhrollvekju kom frá vídeoleigu bæjarins Bíó og sjónvarp Troðfull Þorlákskirkja minntist Karls Sighvatssonar Tónlist Hildur Yeoman lofuð í hástert á Style Bubble Lífið Skringilega stór kaffibolli: „Ég verð aldrei aftur hreinn“ Lífið Próteinríkt avókadó-salat að hætti Önnu Eiríks Matur Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Fleiri fréttir Heitustu trendin í haust „Ég elskaði þig í fyrra lífi, ég elska þig í þessu lífi og mun finna þig í næsta“ Sjarmerandi Vesturbæjarperla með sjávarútsýni Óvíst hvort Ísland verði með í Eurovision Guðrún Sørtveit og Steinar „loksins“ trúlofuð Skringilega stór kaffibolli: „Ég verð aldrei aftur hreinn“ Brúðarbíllinn gömul dráttarvél frá langafa Stjörnulífið: „Skemmtilegasta kvöld lífs míns“ Rick Davies í Supertramp er látinn Gleði og samvera í 60 plús leikfimi á Selfossi Kynlífsstellingar sem kveikja í kofanum Virkilega sláandi lífsreynsla að koma til Grindavíkur Bein útsending: Haustbingó Blökastsins Slóvenar draga sig úr Eurovision ef Ísraelar verða með Myndaveisla: Líf og fjör á Ljósanótt Vill brúa bilið milli almennings og réttarkerfisins Krakkatían: Eurovision, skíðasvæði og portúgalska Pamela slær á sögusagnirnar Gullkistan opnuð á Vestfjörðum Nýupptekið grænmeti á Flúðum í dag og opnar garðyrkjustöðvar Haustbingó í beinni á sunnudag Fréttatía vikunnar: Friðlýsing, frumsýning og handtaka Allt ætlaði um koll að keyra í Borgarleikhúsinu Hleypur 110 kílómetra á dag til að setja heimsmet Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Sjá meira
Guðmundur Jökull og Guðrún Lóa Gunnarsbörn eru yfirleitt kölluð Jökull og Lóa. Þrátt fyrir að vera einungis sjö og tíu ára eru þau orðin gömul í hettunni þegar kemur að íssölu. Í fyrra voru systkinin með ísbúðina opna langt fram á kvöld.Aðsent Þau opna ísbúð sína í þriðja sinn klukkan tvö í dag á Baldurstorgi við hliðina á Þremur frökkum. „Þetta var búið að vera draumurinn hjá þeim báðum,“ sagði Elín Vigdís Guðmundsdóttir, móðir systkinanna, um stofnun ísbúðarinnar. „Aðallega hjá Jökli að verða ísmaður. Hann er ekkert rosalega hrifinn af ís sjálfur en honum finnst ótrúlega gaman að gefa öðrum ís.“ „Lóa er búin að vera með tombólur og alls konar sölur á torginu fyrir utan húsið okkar þegar það er gott veður. Hún þekkir alla í bænum og allir þekkja hana,“ segir Elín. „Leiðsögumenn með ferðamannahópa kalla hana frumkvöðulinn í miðbænum.“ Skemmtilegast að gera kúlur og spjalla við kúnnana Elín segir að þau foreldrarnir reyni að skipta sér sem minnst af, börnin sjái um söluna alveg sjálf. Vísir fékk því að ræða íssalana í gær til að forvitnast um þessa frumkvöðlastarfsemi. Af hverju ákváðuð þið að byrja með ísbúð? „Ég elskaði ís og mér fannst svo gaman að vera sölukona. Pabbi var alveg til í að búa til bás úr nokkrum spýtum í kjallaranum. Þannig við byggðum bás og mamma og pabbi hjálpuðu okkur,“ segir Lóa um íssöluna. Systkinin mála básinn hvítan í fyrsta skipti árið 2021.Aðsent „Í byrjuninni var ég að selja og leyfði fólki að gefa bara peninginn sem þau vildu borga. Á síðasta ári fékk ég hugmynd um hvað það ætti að kosta og núna veit ég það alveg, tipp-topp,“ segir hún. Þið hafið þá lært mikið af því að vera með ísbúðina? „Jepsí, Pepsí,“ segir Lóa. Hvað er best við að vera með ísbúð? „Örugglega að fá að gera ísinn og að fá að tala við kúnnann,“ segir Lóa og Jökull tekur undir: „Það er rétt, að gera kúlur.“ Verður maður aldrei feiminn við fólkið? „Stundum, en oftast ekki,“ segir hann. Að sögn krakkanna er skemmtilegast að búa til ískúlurnar.Vísir/Vilhelm Er ekkert erfitt að vera með ísbúð? „Stundum, þegar kúnnarnir eru erfiðir og þegar ísinn er alltof harður svo maður getur ekki gert kúlur,“ segir Lóa. Og hvað verður maður að passa þegar maður opnar ísbúð? „Maður verður að passa að gera almennilega kúlu og maður má alls ekki vera dónalegur. Maður verður að passa að gera ekki alltof hátt eða alltof lágt verð,“ segir Lóa. Stórhuga um framtíð ísbúðarinnar Þrátt fyrir að vera aðeins með einn bás eru krakkarnir með fjölbreytt úrval af ís og kurli. Þau eru líka með metnaðarfull plön fyrir framtíðina. Hvað getur fólkið keypt hjá ykkur? „Það verður jarðaberjaís,“ segir Jökull og bætir Lóa þá við að það verði líka vegan jarðarberjaís eftir að vegan fólk gat ekki fengið sér ís hjá þeim í fyrra. „Vanilluís líka og súkkulaðiís,“ segir Jökull en þau borða að vísu ekki súkkulaðiís sjálf. Einu börnin í hverfinu eins og móðir þeirra orðar það. „Það er hægt að fá súkkulaðisósu, einhvers konar kurl, ber, ávexti og nammi,“ segir Jökull. Maður verður að passa sig að gera almennilega kúlur þegar maður selur ís. Og passa að halda verðinu réttu.Vísir/Vilhelm En þið hafið líka verið að pæla í nýjungum fyrir ísbúðina? „Næsta sem við myndum gera er að gera þak yfir okkur líka,“ segir Lóa og bætir Jökull við „og að festa lök til að gera veggi.“ Krakkarnir veltu því fyrir sér að vera með ísvél og bjóða upp á bragðarefi. Þau ætla hins vegar að fara rólega af stað í nýjungum, byrja kannski á að bjóða upp á trúðaís. Hvað mynduð þið fá ykkur ef þið væruð kúnnar í ísbúðinni? „Ég myndi örugglega fá mér vanilluís með Skittles,“ segir Lóa. „Ég myndi fá mér jarðarberjaís með einhvers konar kurli,“ segir Jökull. Hvað á eftir að gera fyrir morgundaginn? „Það á eftir að mála,“ segir Lóa. „Og þrífa smá, skítugu málninguna,“ bætir Jökull við. „Og kaupa brauðformin og ísinn. Bara smá eftir og við gerum það í einum grænum,“ segir Lóa.
Ís Matur Krakkar Menningarnótt Reykjavík Mest lesið Rokkar pils sem bol og snýr flíkum öfugt Tíska og hönnun Óvíst hvort Ísland verði með í Eurovision Lífið „Ég elskaði þig í fyrra lífi, ég elska þig í þessu lífi og mun finna þig í næsta“ Lífið Heitustu trendin í haust Lífið Innblásturinn að gamanhrollvekju kom frá vídeoleigu bæjarins Bíó og sjónvarp Troðfull Þorlákskirkja minntist Karls Sighvatssonar Tónlist Hildur Yeoman lofuð í hástert á Style Bubble Lífið Skringilega stór kaffibolli: „Ég verð aldrei aftur hreinn“ Lífið Próteinríkt avókadó-salat að hætti Önnu Eiríks Matur Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Fleiri fréttir Heitustu trendin í haust „Ég elskaði þig í fyrra lífi, ég elska þig í þessu lífi og mun finna þig í næsta“ Sjarmerandi Vesturbæjarperla með sjávarútsýni Óvíst hvort Ísland verði með í Eurovision Guðrún Sørtveit og Steinar „loksins“ trúlofuð Skringilega stór kaffibolli: „Ég verð aldrei aftur hreinn“ Brúðarbíllinn gömul dráttarvél frá langafa Stjörnulífið: „Skemmtilegasta kvöld lífs míns“ Rick Davies í Supertramp er látinn Gleði og samvera í 60 plús leikfimi á Selfossi Kynlífsstellingar sem kveikja í kofanum Virkilega sláandi lífsreynsla að koma til Grindavíkur Bein útsending: Haustbingó Blökastsins Slóvenar draga sig úr Eurovision ef Ísraelar verða með Myndaveisla: Líf og fjör á Ljósanótt Vill brúa bilið milli almennings og réttarkerfisins Krakkatían: Eurovision, skíðasvæði og portúgalska Pamela slær á sögusagnirnar Gullkistan opnuð á Vestfjörðum Nýupptekið grænmeti á Flúðum í dag og opnar garðyrkjustöðvar Haustbingó í beinni á sunnudag Fréttatía vikunnar: Friðlýsing, frumsýning og handtaka Allt ætlaði um koll að keyra í Borgarleikhúsinu Hleypur 110 kílómetra á dag til að setja heimsmet Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Sjá meira