Hópurinn byrjaði á álagsprófi

Í hverjum þætti svara sérfræðingar spurningum og fræða um efnið á mannamáli. Í gegnum þáttaröðina er fylgt eftir sjö einstaklingum sem taka þátt í heilsuáskorun og fá áhorfendur að hvaða hindrunum þeir lenda í við að tileinka sér heilbrigðari lífstíl. Guðríður Erla Torfadóttir, betur þekkt sem Gurrý, er umsjónamaður þáttanna.

Í fyrsta þættinum voru einstaklingarnir kynntir til sögunnar en í þáttaröðinni verður til að mynda hægt að fylgjast með framgangi skemmtikraftarins Hjálmars Arnar sem margir þekkja sem hvítvínskonuna.

„Ég er ekki búinn að hreyfa mig í svona þjú ár, útaf Covid,“ segir Hjálmar og springur úr hlátri og viðurkenndi að þetta væri léleg afsökun.

Hópurinn fór saman í ákveðið álagspróf í fyrsta þættinum og áttu þau öll að gera planka og sitja í 90 gráðum upp við vegg. Þetta gefur ákveðnar vísbendingar um styrk þeirra. Síðan var planið að gera þetta aftur eftir átta vikur.