Tals­vert úr­helli suð­vestan­lands

Þetta segir í hugleiðingum veðurfræðings á vef Veðurstofu Íslands. Þar segir jafnframt að mjög hlýr loftmassi sé yfir landinu og hiti sums staðar kominn í tuttugu stig á Norðurlandi strax í morgunsárið.

Á morgun, sunnudag, verði skilin komin austur fyrir land og birti víða til. Fremur hæg suðvestlæg átt muni leika um landið, sem beini dálitlu regnsvæði að suðvesturströndinni seint annað kvöld. Enn ágætis hiti, þó ögn svalara en í dag.

Á mánudag sé búist við að vindur snúist í norðlæga átt, en þá kólni heldur fyrir norðan. Búast megi við vætu í flestum landshlutum, mest á Suðurlandi.

Veðurhorfur næstu daga:

Á sunnudag:

Vestan og suðvestan 3-10 m/s. Skýjað með köflum og sums staðar dálitlir skúrir, en fer að rigna við suðvesturströndina seint um kvöldið. Hiti 11 til 18 stig, hlýjast á Suðausturlandi.

Á mánudag:

Norðlæg eða breytileg átt, 3-10 m/s og dálítil rigning með köflum, en samfelld rigning um tíma á Suðurlandi. Hiti 10 til 16 stig.

Á þriðjudag:

Hæg breytileg átt og bjart með köflum, en smá skúrir suðaustantil. Hiti 9 til 17 stig, hlýjast syðra.

Á miðvikudag og fimmtudag:

Hæg suðlæg átt og víða smá skúrir, en þurrt að kalla norðaustanlands. Milt veður.

Á föstudag:

Útlit fyrir vaxandi sunnanátt með rigningu vestantil, en hægara og þurrt eystra. Hlýnandi veður.