Nýr þjóðarleikvangur Guðni Bergsson skrifar 7. september 2023 10:31 Í tilefni umræðu undanfarinna daga, um aðsteðjandi vanda bæði félags- og landsliða okkar við að leika fótbolta hérlendis að vetri til ,langaði mig til þess að fara yfir málið sem stendur mér nærri. Nú stefnir í að bæði karla- og kvennalandslið okkar í fótbolta þurfi að leika heimaleiki okkar erlendis að vetri til. Þessi staðreynd ásamt því að við getum ekki hafið riðlakeppni eða lokið henni á okkar heimavelli eða spilað umspilsleiki um vetur skerðir verulega möguleika okkar á að komast á stórmót. Enn fremur er líklegt að félagslið okkar í Evrópukeppni í framtíðinni verði að leika einhverja heimaleiki í riðlakeppni félagsliða á erlendum vettvangi. Við eigum einfaldlega ekki boðlegan eða nýtanlegan heimavöll að vetri til og engin áform virðast vera um byggingu slíks þjóðarleikvangs. Þetta er nú staðan þrátt fyrir að markviss undirbúningur, kostnaðar- og þarfagreiningar á byggingu og rekstri nýs þjóðarleikvangs hafi staðið yfir í rúmlega 7 ár, með fjórum ítarlegum skýrslum og aðkomu fremstu alþjóðlegra sérfræðinga m.a. ásamt kostnaði upp á annað hundrað milljónir króna. Vorið 2018 þegar stutt var í að karlalandsliðið okkar færi á HM í Rússlandi var skýrsla starfshóps ,sem skipaður var af Reykjavíkurborg , ríki og KSÍ ,gefin út og kynningarfundur haldinn með pompi og prakt með sérstakri yfirlýsingu Reykjavíkurborgar og ríkisins en þar var m.a. tilkynnt: „Undirbúningur um byggingu þjóðarleikvangs verður hafinn og stefnt er að þeirri vinnu verði lokið og útboð fari fram um byggingu vallarins í árslok 2018“ Við þetta hefur því miður ekki verið staðið af stjórnvöldum. Félagið ,Þjóðarleikvangur ehf., var stofnað sérstaklega til undirbúnings byggingu þjóðarleikvangs en hér erum við nú rúmum fimm árum síðar með nýútgefna fjórðu skýrslu undir stól einhvers staðar og útboðið enn ekki í sjónmáli. En hvers vegna þurfum við nýjan þjóðarleikvang og hver eru helstu rökin fyrir byggingu hans? Veigamikil rök fyrir byggingu Þjóðarleikvangs: Laugardalsvöllur er að upplagi 65 ára gamall og uppfyllir engan veginn nútímakröfur, enda hefur hann verið um langt árabil á margþættri undanþágu hjá UEFA. Nýr Þjóðarleikvangur myndi stórbæta alla aðstöðu fyrir leikmenn sem og áhorfendur. Við getum ekki , eins og áður segir, leikið landsleiki okkar á heimavelli í byrjun eða upphafi riðlakeppna sem skerðir okkar möguleika að ná árangri og komast í úrslitakeppni stórmóta. Við gætum líka neyðst til að spila heimaleiki og mikilvæga umspilsleiki um sæti á stórmótum í mars og nóvember erlendis á næstu árum. Nýr Þjóðarleikvangur myndi í því tilliti hjálpa okkur að ná árangri og komast inn á stórmót með því að geta spilað á vellinum árið um kring. Þjóðarleikvangur myndi nýtast félagsliðum í Evrópukeppni að vetrarlagi og einnig hjálpa til við lengingu keppnistímabilsins og með bikarúrslitaleiki í lok tímabils AFL Skýrsla 2020 (skýrsla nr.3) Búast má við 40% aukinni aðsókn skv. reynslu erlendis frá með nýjum þjóðarleikvangi og með því auknum stuðningi áhorfenda „New Stadium Effect“ – AFL Skýrsla 2020 Ríkisvaldið fengi til baka 55% af byggingarkostnaði í formi skatta og gjalda vegna framkvæmdarinnar... AFL Skýrsla 2020 Virðisauki samfélagsins eða þjóðhagslegur ábati (Gross Value Added-GVA) með nýjum þjóðarleikvangi var áætlaður 1,1 milljarður kr. á ári.í AFL Skýrsla 2020 Möguleiki að halda hér 25.000+ manna stórtónleika hér á landi allt árið um kring. Væri ekki frábært fyrir okkur sem samfélag að fá alla vinsælustu tónlistarmenn veraldar reglulega hingað til lands með stórtónleika sem einungis geta rúmast á stórum leikvangi. AFL Skýrsla 2020 Verðmæt markaðsáhrif góðs árangurs : Þetta er mikilvæg staðreynd sem við eigum að horfa til. Brooklyn Brothers, bandarísk markaðsstofa, gerðu úttekt á því fyrir Íslandsstofu hvers virði góður árangur karlalandsliðsins á EM 2016 hefði verið varðandi fjölmiðlaumfjöllun og aukins áhuga í leitarvélum á Íslandi. Var landkynningin metin á 20 milljarða kr. AFL skýrsla 2020 Umfjöllunin og umferð á leitarvélum um Ísland var enn meiri á HM 2018 og má því færa rök fyrir því að árangur karlaliðsins hafi skilað amk. 40 milljarða kr. virði í landkynningu. Til samanburðar var netumferðin (Google leit) um Ísland í kringum þessar tvær keppnir samtals helmingi meiri (50%) en vegna Eyjafjallagossins árið 2010. Hvað gerist næst? Að þessu sögðu þurfum við ekki að fara að standa við gefin fyrirheit og horfa til framtíðar? Nóg er búið að rýna þetta og velta þessu fyrir sér og við erum svo sannarlega áratugum á eftir öðrum Evrópuþjóðum í þessum efnum sem er okkur til vansa. Við erum með einn allra lélegasta þjóðarleikvang í Evrópu í dag með tilliti til aðstöðu og notagildis. Þetta er innviðaverkefni sem að eðlilegt að fara í sem samfélag á 50-60 ára fresti og eigum við að horfa til þess þegar við metum fjárfestinguna að hún verður okkur til heilla í áratugi. Afreksíþróttirnar eru órjúfanlegur hluti grasrótarstarfsins og mikil hvatning fyrir yngri iðkendur íþrótta. Almenn íþróttaiðkun er samtvinnuð góðri lýðheilsu sem er okkur svo mikilvæg og þá ekki síst okkar yngri kynslóðum og skapar raunverulega hagsæld fyrir þjóðfelagið í heild sinni. Íþróttalífið er ein órjúfanleg heild og við verðum að hlúa bæði að grasrótar- og afreksstarfinu ef það á að blómstra og þegar kemur að stuðningi og uppbyggingu á aðstöðu til íþróttaiðkunnar. Við getum ekki ætlast til þess að ná góðum árangri í íþróttum ef við viljum ekki kosta nægu til. Tökum okkur nú loks taki í þessum málum og gerum þetta í sameiningu. Ég skora á stjórnvöld ,bæði ríkisvaldið og Reykjavíkurborg að fara að standa undir nafni og taka ákvörðun um byggingu nýs þjóðarleikvangs. Byggjum þjóðarleikvang sem sómi er að og mun hjálpa okkur að ná árangri í framtíðinni og með því stuðlað áfram að öflugu íþróttalífi sem við getum verið stolt af. Áfram Ísland! Höfundur er lögmaður og fv. formaður KSÍ. Viltu birta grein á Vísi? Sendu okkur póst. Senda grein Nýr þjóðarleikvangur KSÍ Fótbolti Laugardalsvöllur Mest lesið Til þeirra sem fagna Doktornum! Kristján Freyr Halldórsson Skoðun Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun Skuldin við úthverfin Jóhanna Dýrunn Jónsdóttir Skoðun Hringekja verðtryggingar og hárra vaxta Benedikt Gíslason Skoðun Einelti er dauðans alvara Kolbrún Áslaugar Baldursdóttir Skoðun Áfram gakk – með kerfisgalla í bakpokanum Harpa Þorsteinsdóttir Skoðun Hefur þú heyrt þetta áður? Stefnir Húni Kristjánsson Skoðun Málgögn og gervigreind Steinþór Steingrímsson,Einar Freyr Sigurðsson,Helga Hilmisdóttir Skoðun Ávinningur af endurhæfingu – aukum lífsgæðin Ólafur H. Jóhannsson Skoðun Réttlæti hins sterka. Gildra dómarans Jörgen Ingimar Hansson Skoðun Skoðun Skoðun Ávinningur af endurhæfingu – aukum lífsgæðin Ólafur H. Jóhannsson skrifar Skoðun Hefur þú heyrt þetta áður? Stefnir Húni Kristjánsson skrifar Skoðun Hringekja verðtryggingar og hárra vaxta Benedikt Gíslason skrifar Skoðun Áfram gakk – með kerfisgalla í bakpokanum Harpa Þorsteinsdóttir skrifar Skoðun Til þeirra sem fagna Doktornum! Kristján Freyr Halldórsson skrifar Skoðun Skuldin við úthverfin Jóhanna Dýrunn Jónsdóttir skrifar Skoðun Málgögn og gervigreind Steinþór Steingrímsson,Einar Freyr Sigurðsson,Helga Hilmisdóttir skrifar Skoðun Réttlæti hins sterka. Gildra dómarans Jörgen Ingimar Hansson skrifar Skoðun Einelti er dauðans alvara Kolbrún Áslaugar Baldursdóttir skrifar Skoðun Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson skrifar Skoðun Sótt að réttindum kvenna — núna Svandís Svavarsdóttir skrifar Skoðun Afnám tilfærslu milli skattþrepa Breki Pálsson skrifar Skoðun Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir skrifar Skoðun Opið bréf til umhverfis-, orku- og loftslagsráðherra Bogi Ragnarsson skrifar Skoðun Íslenska þjóð, þú ert núna að gleyma Sighvatur Björgvinsson skrifar Skoðun Tölum íslensku um bíðandi börn: Uppgjöf, svarthol og lögbrot Vigdís Gunnarsdóttir skrifar Skoðun Fjórði hver vinnur í verslun og þjónustu Benedikt S. Benediktsson skrifar Skoðun Engin eftirspurn eftir Viðreisnar- og Samfylkingarmódelinu Andri Steinn Hilmarsson skrifar Skoðun Pabbar, mömmur, afar, ömmur Jón Pétur Zimsen skrifar Skoðun Vellíðan í vinnu Ingrid Kuhlman skrifar Skoðun Hefur vanfjármögnun sveitarfélaga áhrif á byggingarkostnað? Jón Ingi Hákonarson skrifar Skoðun Þar sem gervigreind er raunverulega að breyta öllu Björgmundur Örn Guðmundsson skrifar Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir skrifar Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson skrifar Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson skrifar Skoðun Íslenskir flóttamenn - í okkar eigin landi Gunnar Magnús Diego skrifar Skoðun Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein skrifar Skoðun Mótum framtíðina saman Jónína Hauksdóttir ,Magnús Þór Jónsson skrifar Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk skrifar Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman skrifar Sjá meira
Í tilefni umræðu undanfarinna daga, um aðsteðjandi vanda bæði félags- og landsliða okkar við að leika fótbolta hérlendis að vetri til ,langaði mig til þess að fara yfir málið sem stendur mér nærri. Nú stefnir í að bæði karla- og kvennalandslið okkar í fótbolta þurfi að leika heimaleiki okkar erlendis að vetri til. Þessi staðreynd ásamt því að við getum ekki hafið riðlakeppni eða lokið henni á okkar heimavelli eða spilað umspilsleiki um vetur skerðir verulega möguleika okkar á að komast á stórmót. Enn fremur er líklegt að félagslið okkar í Evrópukeppni í framtíðinni verði að leika einhverja heimaleiki í riðlakeppni félagsliða á erlendum vettvangi. Við eigum einfaldlega ekki boðlegan eða nýtanlegan heimavöll að vetri til og engin áform virðast vera um byggingu slíks þjóðarleikvangs. Þetta er nú staðan þrátt fyrir að markviss undirbúningur, kostnaðar- og þarfagreiningar á byggingu og rekstri nýs þjóðarleikvangs hafi staðið yfir í rúmlega 7 ár, með fjórum ítarlegum skýrslum og aðkomu fremstu alþjóðlegra sérfræðinga m.a. ásamt kostnaði upp á annað hundrað milljónir króna. Vorið 2018 þegar stutt var í að karlalandsliðið okkar færi á HM í Rússlandi var skýrsla starfshóps ,sem skipaður var af Reykjavíkurborg , ríki og KSÍ ,gefin út og kynningarfundur haldinn með pompi og prakt með sérstakri yfirlýsingu Reykjavíkurborgar og ríkisins en þar var m.a. tilkynnt: „Undirbúningur um byggingu þjóðarleikvangs verður hafinn og stefnt er að þeirri vinnu verði lokið og útboð fari fram um byggingu vallarins í árslok 2018“ Við þetta hefur því miður ekki verið staðið af stjórnvöldum. Félagið ,Þjóðarleikvangur ehf., var stofnað sérstaklega til undirbúnings byggingu þjóðarleikvangs en hér erum við nú rúmum fimm árum síðar með nýútgefna fjórðu skýrslu undir stól einhvers staðar og útboðið enn ekki í sjónmáli. En hvers vegna þurfum við nýjan þjóðarleikvang og hver eru helstu rökin fyrir byggingu hans? Veigamikil rök fyrir byggingu Þjóðarleikvangs: Laugardalsvöllur er að upplagi 65 ára gamall og uppfyllir engan veginn nútímakröfur, enda hefur hann verið um langt árabil á margþættri undanþágu hjá UEFA. Nýr Þjóðarleikvangur myndi stórbæta alla aðstöðu fyrir leikmenn sem og áhorfendur. Við getum ekki , eins og áður segir, leikið landsleiki okkar á heimavelli í byrjun eða upphafi riðlakeppna sem skerðir okkar möguleika að ná árangri og komast í úrslitakeppni stórmóta. Við gætum líka neyðst til að spila heimaleiki og mikilvæga umspilsleiki um sæti á stórmótum í mars og nóvember erlendis á næstu árum. Nýr Þjóðarleikvangur myndi í því tilliti hjálpa okkur að ná árangri og komast inn á stórmót með því að geta spilað á vellinum árið um kring. Þjóðarleikvangur myndi nýtast félagsliðum í Evrópukeppni að vetrarlagi og einnig hjálpa til við lengingu keppnistímabilsins og með bikarúrslitaleiki í lok tímabils AFL Skýrsla 2020 (skýrsla nr.3) Búast má við 40% aukinni aðsókn skv. reynslu erlendis frá með nýjum þjóðarleikvangi og með því auknum stuðningi áhorfenda „New Stadium Effect“ – AFL Skýrsla 2020 Ríkisvaldið fengi til baka 55% af byggingarkostnaði í formi skatta og gjalda vegna framkvæmdarinnar... AFL Skýrsla 2020 Virðisauki samfélagsins eða þjóðhagslegur ábati (Gross Value Added-GVA) með nýjum þjóðarleikvangi var áætlaður 1,1 milljarður kr. á ári.í AFL Skýrsla 2020 Möguleiki að halda hér 25.000+ manna stórtónleika hér á landi allt árið um kring. Væri ekki frábært fyrir okkur sem samfélag að fá alla vinsælustu tónlistarmenn veraldar reglulega hingað til lands með stórtónleika sem einungis geta rúmast á stórum leikvangi. AFL Skýrsla 2020 Verðmæt markaðsáhrif góðs árangurs : Þetta er mikilvæg staðreynd sem við eigum að horfa til. Brooklyn Brothers, bandarísk markaðsstofa, gerðu úttekt á því fyrir Íslandsstofu hvers virði góður árangur karlalandsliðsins á EM 2016 hefði verið varðandi fjölmiðlaumfjöllun og aukins áhuga í leitarvélum á Íslandi. Var landkynningin metin á 20 milljarða kr. AFL skýrsla 2020 Umfjöllunin og umferð á leitarvélum um Ísland var enn meiri á HM 2018 og má því færa rök fyrir því að árangur karlaliðsins hafi skilað amk. 40 milljarða kr. virði í landkynningu. Til samanburðar var netumferðin (Google leit) um Ísland í kringum þessar tvær keppnir samtals helmingi meiri (50%) en vegna Eyjafjallagossins árið 2010. Hvað gerist næst? Að þessu sögðu þurfum við ekki að fara að standa við gefin fyrirheit og horfa til framtíðar? Nóg er búið að rýna þetta og velta þessu fyrir sér og við erum svo sannarlega áratugum á eftir öðrum Evrópuþjóðum í þessum efnum sem er okkur til vansa. Við erum með einn allra lélegasta þjóðarleikvang í Evrópu í dag með tilliti til aðstöðu og notagildis. Þetta er innviðaverkefni sem að eðlilegt að fara í sem samfélag á 50-60 ára fresti og eigum við að horfa til þess þegar við metum fjárfestinguna að hún verður okkur til heilla í áratugi. Afreksíþróttirnar eru órjúfanlegur hluti grasrótarstarfsins og mikil hvatning fyrir yngri iðkendur íþrótta. Almenn íþróttaiðkun er samtvinnuð góðri lýðheilsu sem er okkur svo mikilvæg og þá ekki síst okkar yngri kynslóðum og skapar raunverulega hagsæld fyrir þjóðfelagið í heild sinni. Íþróttalífið er ein órjúfanleg heild og við verðum að hlúa bæði að grasrótar- og afreksstarfinu ef það á að blómstra og þegar kemur að stuðningi og uppbyggingu á aðstöðu til íþróttaiðkunnar. Við getum ekki ætlast til þess að ná góðum árangri í íþróttum ef við viljum ekki kosta nægu til. Tökum okkur nú loks taki í þessum málum og gerum þetta í sameiningu. Ég skora á stjórnvöld ,bæði ríkisvaldið og Reykjavíkurborg að fara að standa undir nafni og taka ákvörðun um byggingu nýs þjóðarleikvangs. Byggjum þjóðarleikvang sem sómi er að og mun hjálpa okkur að ná árangri í framtíðinni og með því stuðlað áfram að öflugu íþróttalífi sem við getum verið stolt af. Áfram Ísland! Höfundur er lögmaður og fv. formaður KSÍ.
Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun
Skoðun Málgögn og gervigreind Steinþór Steingrímsson,Einar Freyr Sigurðsson,Helga Hilmisdóttir skrifar
Skoðun Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson skrifar
Skoðun Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir skrifar
Skoðun Engin eftirspurn eftir Viðreisnar- og Samfylkingarmódelinu Andri Steinn Hilmarsson skrifar
Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir skrifar
Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson skrifar
Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson skrifar
Skoðun Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein skrifar
Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk skrifar
Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman skrifar
Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun