„Þetta er náttúrulega ekki boðlegt“

Helena kvaðst ekki geta annað en spurt Þorgerði út í aðstöðumálin þar sem hún sæti á þingi og segir Þorgerður þau mál einnig snerta á henni frá öðrum hliðum.

„Það líta allir á mig sem stjórnmálamann en þegar við ræðum íþróttir er maður líka íþróttasinni, maður er líka mamma og áhangandi,“ segir Þorgerður Katrín en sonur hennar er Gísli Þorgeir Kristjánsson, landsliðsmaður karla í handbolta.

„Þetta er náttúrulega ekki boðlegt og ég sá tækifæri til þess að ríða á vaðið án þess að setja efnahagskerfið í þrot fyrir um sex til sjö árum að fara í það að reisa þannig völl að við gætum spilað þar fótbolta allt árið um kring og líka þjóðarhöll fyrir handbolta og körfubolta,“

„Það þarf að taka ákvörðun og nóg er komið af nefndum, ráðum og öllu því. Við þurfum bara að taka ákvörðun,“ segir Þorgerður Katrín.

Þáttinn má sjá í heild sinni að ofan.