Tveir látnir í skólarútuslysi

Minnst tveir eru látnir eftir bílslys í New York-ríki Bandaríkjanna. Skólarúta með fjörutíu nemendum innanborðs féll niður í gil að sögn Bandarískra miðla, með í för voru einnig fjórir fullorðnir.

CNN greinir frá því að tveir fullorðnir séu látnir og enn fleiri slasaðir.

Um var að ræða rútu fyrir nemendur í tónlistarskóla, en hún var ein af sex rútum á leiðinni frá New York-ríki til Pennsylvaníu.

Talið er að slysið hafi átt sér stað þegar dekk á rútunni hafi sprungið.

Fréttamyndir af vettvangi sem hafa birst í Bandarískum miðlum sýna þar sem rútan liggur á hlið utan vegar.