Á­fram norð­aust­læg átt og hiti að sex stigum

Á vef Veðurstofunnar segir að hiti verði á bilinu núll til sex stig yfir daginn. Síðdegis mun svo fara að rigna austantil á landinu en á fjallvegum megi búast við slyddu eða snjókomu.

„Norðaustan 8-15 m/s á morgun og skúrir eða slydduél, en áfram þurrt og nokkuð bjart á suðurhluta landsins. Annað kvöld hvessir norðvestantil á landinu og það bætir aftur í úrkomu fyrir austan.

Á sunnudag er svo útlit fyrir ákveðna norðaustanátt með úrkomusömu veðri, rigningu eða slyddu á láglendi og snjókomu á heiðum, en það verður áfram þurrt að mestu um landið sunnanvert,“ segir í hugleiðingum veðurfræðings á vef Veðurstofunnar.

Veðurhorfur á landinu næstu daga

Á laugardag: Vaxandi norðaustanátt, 10-18 m/s síðdegis. Skúrir eða slydduél, en yfirleitt þurrt sunnan heiða. Hiti 1 til 6 stig. Rigning á Austurlandi um kvöldið.

Á sunnudag: Norðaustan 13-20 m/s, hvassast norðvestanlands. Rigning eða slydda á norðaustanverðu landinu, annars dálitlar skúrir eða él, en þurrt að kalla sunnantil. Hiti breytist lítið.

Á mánudag: Minnkandi norðaustan- og austanátt, 5-13 síðdegis. Rigning eða slydda með köflum, en úrkomulítið um landið sunnanvert. Hiti 1 til 7 stig, mildast syðst.

Á þriðjudag: Vaxandi austlæg átt og væta á víð og dreif. Hlýnar smám saman.

Á miðvikudag: Austan og norðaustanátt og rigning, en lítilsháttar væta um landið norðanvert. Milt í veðri.

Á fimmtudag: Snýst í norðlæga átt og kólnar með slyddu eða snjókomu á Norðurlandi.