Stormi spáð norðvestantil

Þá segir að hvassvirði eða stormur verði í kvöld eða á morgun á norðvesturlandinu. Skúrir eða él á Norður- og Austurlandi, en bjart að mestu sunnan heiða. Seint í dag og á morgun megi búast við nokkuð samfelldri rigningu eða slyddu á norðaustanverðu landinu og snjókomu til fjalla.

Hitinn verði yfirleitt á bilinu núll upp í sjö stig og mildast verði syðst á landinu 0 til 7 stig. Fram kemur að á mánudag fari að lægja, en áfram megi búast við úrkomu norðaustanlands.

Veðurhorfur á landinu næstu daga

Á sunnudag:

Norðaustan 13-20 m/s, hvassast um landið norðvestanvert. Rigning, slydda eða snjókoma norðan- og austanlands, en þurrt að kalla sunnantil á landinu. Hiti 0 til 6 stig, mildast syðst.

Á mánudag:

Minnkandi norðaustanátt, 5-13 síðdegis. Rigning eða slydda með köflum og snjókoma til fjalla, en yfirleitt þurrt á Suður- og Vesturlandi. Hiti breytist lítið.

Á þriðjudag:

Heldur vaxandi suðaustanátt. Lítilsháttar væta sunnan- og austanlands, hiti 1 til 6 stig. Rofar til norðan heiða með hita kringum frostmark.

Á miðvikudag og fimmtudag:

Austlæg átt og rigning með köflum, en þurrt að kalla á Vesturlandi. Hiti víða 2 til 7 stig.

Á föstudag:

Útlit fyrir svipað veður áfram.