Erlent

Minnst 150 látnir eftir jarð­skjálftann í Nepal

Sólrún Dögg Jósefsdóttir skrifar
Skjálftinn olli mikilli eyðileggingu. 
Skjálftinn olli mikilli eyðileggingu.  EPA

Meira en 150 eru látnir eftir jarðskjálftann sem reið yfir vesturhluta Nepal í gær. Skjálftinn var 5,6 að stærð.

Jarðskjálftinn fannst víða, meðal annars í Nýju Delí, höfuðborg Indlands, sem er um sex hundruð kílómetrum frá upptökum skjálftans. 

Skjálftinn átti upptök sín í Jajarkot í héraðinu Karnali, sem er tæpa fimm hundruð kílómetra frá Katmandú, höfuðborg Nepal.

Talsmaður nepalska hersins segir meira en hundrað manns særða og að spítalinn í Jajarkot-umdæmi væri troðfullur af fólki sem hefði særst. 

Skjálftinn varð laust fyrir miðnætti að staðartíma. Þrír snarpir eftirskjálftar mældust innan klukkustund eftir stóra skjálftann.

Jarðskjálftinn olli mikilli eyðileggingu en mörg hundruð hús eru sögð hafa hrunið. Björgunaðaðgerðir standa  enn yfir, að sögn sveitarstjóra Aathbiskot-umdæmis. 

Nepal Náttúruhamfarir

Tengdar fréttir

Tugir látnir eftir jarð­skjálfta í Nepal

Að minnsta kosti 69 eru látnir eftir harðan jarðskjálfta í Nepal. Eyðileggingin er töluverð og fannst skjálftinn, sem var 5,6 að stærð, víða.

Mest lesið


Fleiri fréttir

Sjá meira


×

Mest lesið