Ég skil ekki Hlédís Sveinsdóttir skrifar 5. nóvember 2023 08:31 Við lifum á tímum upplýsinga. Ef við kærum okkur um getum við kynnt okkur sögu Palestínu, tilurð Ísraelsríkis og allt það sem hefur gerst síðan. Við fáum upplýsingar í rauntíma um hvað er að gerast á þessu svæði akkúrat núna. Það er til fullt af upplýsingum um síðustu áratugi. Bæði frá fræðasamfélaginu og opinberum stofnunum sem hafa til dæmis haldið utan um mannfall beggja megin, ólöglegar landtökubyggðir Ísraela, áhrif aðskilnaðarmúrsins og fleiri „aðgerðir” í gegnum árin. Töluleg gögn frá fagfólki. Samt kjósa einhverjir að láta eins og þetta sé svo flókið að það sé ekki hægt að taka afstöðu. Hvað er það sem er svona flókið? Ef gögn frá Sameinuðu þjóðunum eru ekki marktæk, er Ísraelsríki þá marktækt? – það á tilurð sína Sameinuðu þjóðunum að þakka. Einhverjir kjósa að láta eins þetta hafi allt byrjað 7. október í ár þegar Hamas gerði viðurstyggilega árás á ísraelska borgara. Ég fordæmi þau hryllilegu morð. En það getur varla talist upphaf að neinu er það? Meira sönnun á því að ofbeldi kallar á ofbeldi. Einhverjir hafa líka áhyggjur af því að hinn almenni gyðingur verði fyrir aðkasti á förnum vegi. Oft er þetta sama fólkið og telur Hamas ábyrgt fyrir „aðgerðum“ Ísraela á Gaza núna. Ef þau rök eru gild ættu sömu rök ekki að eiga við alltaf? Gegndarlaus dráp Ísraelshers á saklausu fólki ættu samkvæmt því að kalla á andúð almennings og framkoma Ísraelsríkis í gegnum árin ætti þá líka að kalla fram andúð íbúa Palestínu. Eða eru gyðingar alltaf fórnarlömb? Staðreyndin er nefnilega sú að þetta á sér langan aðdraganda og alþjóðasamfélagið virðist vera meðvitað um það hryllilega ofbeldi sem íbúar Palestínu búa við dag frá degi og hafa gert síðustu 75 árin. Skrásetningin er til staðar, dómar hafa fallið en Ísraelar láta sér ekki segjast. Tímalína: 1947 Sameinuðu þjóðirnar skipta Palestínu upp í tvö ríki, annars vegar Araba og hins vegar Gyðinga. 1948 lýsti Ísraelsríki yfir sjálfstæði og lagði undir sig megnið af því landsvæði sem áður tilheyrði Palestínuumdæmi Breta. 1967 Ísraelsríki hernemur Vesturbakkann, Gazaströndina og Gólanhæðir í sex daga stríðinu. 1987 er Hamas stofnað til að berjast gegn Ísrael með það að markmiði að frelsa Palestínu og að veita palestínskum íbúum á hernumdum svæðum félagslega aðstoð. 2004 Ísrael byggir aðskilnaðarmúr sem er dæmdur ólöglegur samkvæmt Genfarsáttmálanum og öðrum alþjóðalögum sem Ísrael er aðili að. Múrinn er skýlaust brot á samþykktum Sameinuðu þjóðanna. Alþjóðadómstóllinn í Haag úrskurðar í febrúar 2004 að byggingu múrsins skyldi tafarlaust hætt, hann skuli rifinn og fórnarlömbum byggingu hans – m.a. þeir sem misst hafa hús sín, jarðir og atvinnu – skuli tafarlaust verða greiddar bætur. Ályktun Alþjóðadómstólsins segir að það sé skylda allra ríkja sem eiga aðild að Genfarsáttmálanum og sáttmála Sameinuðu þjóðanna um verndun borgara á stríðstímum að virða stofnsáttmála Sameinuðu þjóðanna og sjá til þess að Ísraelar fari að alþjóðalögum og fari eftir úrskurði dómstólsins. 2004 Íbúar Palestínu eiga bara eftir 22% af því landi sem upphaflega var í skiptingu Sameinuðu þjóðanna og lifa í aðskildum og einangruðum gettóum. Umkringdir ísraelska hernum og ísraelsku landtökufólki. 2008 -2009 Ísraelsher fer í aðgerðina “The Gaza war” sem stóð í þrjár vikur. Þar létust 1.417 íbúar Palestínu og 13 Ísraelar. 2008- 2020 eru 5.600 Palestínumenn drepnir og 115.000 særðir samkvæmt gögnum Sameinuðu þjóðanna (OCHA). 2008 -2020 eru 250 Ísraelar drepnir og 5.600 særðir samkvæmt gögnum Sameinuðu þjóðanna (OCHA). 2012 Ísraelsher fer í aðgerðina “Operation Pillar of Defense” en þar voru 174 íbúar Palestínu drepnir og hundruð særðir. 2014 Ísraelsher fer í aðgerðina „Protective Edge“ á Gaza. Á sjö vikum eru 2.000 íbúar Palestínu drepnir. Óbreyttir borgarar og börn. Þúsundir særðir. 2017 Ísraelar búnir að taka yfir 100.000 hektara frá palestínsku þjóðinni. Þú stelur ekki landi átakalaust, það krefst ofbeldis og drápa. Þá höfðu 50.000 palestínsk heimili verið rifin og eyðilögð af Ísraelum í því sem kallað er OPT (Occupied Palestinian Territory). 2021 og 2022 gáfu Mannréttindavaktin og Amnesty International út skýrslur þar sem komist var að þeirri niðurstöðu að framgangur Ísraela gagnvart hernámssvæðum sínum í Palestínu félli undir lagalega skilgreiningu á kynþáttaaðskilnaðarstefnu í skilningi Rómarsamþykktar um Alþjóðlega sakamáladómstólinn. 2023 Landrán Ísraela er stöðugt og í byrjun þessa árs tilkynnti forsætisráðherra Ísraels áform um að reisa 10.000 ný íbúðarhús á landtökubyggðum á Vesturbakkanum og lögleiða níu ólöglegar landtökubyggðir afturvirkt. 2023 Hamas ræðst á Ísraela. Drepur 1.400 manns. Ísraelar svara og eru nú búnir að drepa 9.227 íbúa Palestínu þegar þetta er skrifað. Af þeim eru 3.826 börn. Særðir eru 23.5126 meðal annars börn með fjórðastigs bruna af völdum nýrrar gerðar af sprengjum sem Bandaríkin eru meðal annars að styrkja Ísrael með. Þeir sprengja sjúkrahús, skóla, sjúkrabíla og flóttamannabúðir. Inn í þessum tölum hér að ofan eru ekki afleidd dauðsföll öll þessi ár vegna lélegra lífsskilyrða í kjölfar hernáms Ísraelshers með aðskilnaðarmúr, upptöku auðlinda eins og vatns og vegatálmunum (checkpoints). Ekkert hefur breyst á öllum þessum tíma. Ísraelar fara ekki að kröfum alþjóðasamfélagsins um að láta af landráni, aðskilnaðarstefnu, ofbeldi, niðurlægingu og kúgun. Öll þessi ár hefur Ísraelsríki hagað sér nákvæmlega eins og því sýnist. Það er alltaf rétt að fordæma ofbeldi, en er þá ekki rétt að fordæma það í samræmi við ofbeldisverk? Þar er skiptingin ekki jöfn. Atburðarásin síðustu áratugi er ekki á ábyrgð Palestínu. Atburðarásin núna er ekki á ábyrgð Palestínu. Atburðarásin sem verður í kjölfar þessa alls er ekki á ábyrgð Palestínu. Það er bara einn gerandi í þessu ofbeldissambandi - og mjög margir meðvirkir. Ég skil ekki hvers vegna tölulegar staðreyndir ná ekki til allraþegar kemur að þessu málefni. Ég skil ekki hvernig fólk getur skrifað þessar hörmungar á Hamas og/eða íbúa Palestínu. Ég skil ekki máttleysi alþjóðasamfélagsins og öryggisbandalags SÞ. Ég skil ekki hvernig við getum setið hjá. Ég skil ekki hvað er svona flókið. Ég skil ekki. Höfundur er manneskja. Viltu birta grein á Vísi? Sendu okkur póst. Senda grein Átök í Ísrael og Palestínu Ísrael Palestína Hlédís Sveinsdóttir Mest lesið Engin eftirspurn eftir Viðreisnar- og Samfylkingarmódelinu Andri Steinn Hilmarsson Skoðun Pabbar, mömmur, afar, ömmur Jón Pétur Zimsen Skoðun Þar sem gervigreind er raunverulega að breyta öllu Björgmundur Örn Guðmundsson Skoðun Hefur vanfjármögnun sveitarfélaga áhrif á byggingarkostnað? Jón Ingi Hákonarson Skoðun Vellíðan í vinnu Ingrid Kuhlman Skoðun Íslenskir flóttamenn - í okkar eigin landi Gunnar Magnús Diego Skoðun Tölum íslensku um bíðandi börn: Uppgjöf, svarthol og lögbrot Vigdís Gunnarsdóttir Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun Fjórði hver vinnur í verslun og þjónustu Benedikt S. Benediktsson Skoðun Magga Stína! Helga Völundardóttir Skoðun Skoðun Skoðun Íslenska þjóð, þú ert núna að gleyma Sighvatur Björgvinsson skrifar Skoðun Tölum íslensku um bíðandi börn: Uppgjöf, svarthol og lögbrot Vigdís Gunnarsdóttir skrifar Skoðun Fjórði hver vinnur í verslun og þjónustu Benedikt S. Benediktsson skrifar Skoðun Engin eftirspurn eftir Viðreisnar- og Samfylkingarmódelinu Andri Steinn Hilmarsson skrifar Skoðun Pabbar, mömmur, afar, ömmur Jón Pétur Zimsen skrifar Skoðun Vellíðan í vinnu Ingrid Kuhlman skrifar Skoðun Hefur vanfjármögnun sveitarfélaga áhrif á byggingarkostnað? Jón Ingi Hákonarson skrifar Skoðun Þar sem gervigreind er raunverulega að breyta öllu Björgmundur Örn Guðmundsson skrifar Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir skrifar Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson skrifar Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson skrifar Skoðun Íslenskir flóttamenn - í okkar eigin landi Gunnar Magnús Diego skrifar Skoðun Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein skrifar Skoðun Mótum framtíðina saman Jónína Hauksdóttir ,Magnús Þór Jónsson skrifar Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk skrifar Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman skrifar Skoðun Kæra Epli, skilur þú mig? Lilja Dögg Jónsdóttir skrifar Skoðun Þorgerður og erlendu dómstólarnir Hjörtur J. Guðmundsson skrifar Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir skrifar Skoðun Lyftum umræðunni á örlítið hærra plan Jóna Hlíf Halldórsdóttir skrifar Skoðun Lykillinn að hamingju og heilbrigði Auður Kjartansdóttir skrifar Skoðun Staða bænda styrkt Hanna Katrín Friðriksson skrifar Skoðun Transumræðan og ruglið um fjölda kynja Einar Steingrímsson skrifar Skoðun Leikskólar eru ekki munaður Íris Eva Gísladóttir skrifar Skoðun Vísindarannsóknir og þróun – til umhugsunar í tiltekt Þorgerður J. Einarsdóttir skrifar Skoðun 752 dánir vegna geðheilsuvanda – enginn vegna fjölþáttaógnar Grímur Atlason skrifar Skoðun Foreldrar þurfa bara að vera duglegri Björg Magnúsdóttir skrifar Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson skrifar Skoðun Dýrkeypt eftirlitsleysi Lilja Björk Guðmundsdóttir skrifar Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir skrifar Sjá meira
Við lifum á tímum upplýsinga. Ef við kærum okkur um getum við kynnt okkur sögu Palestínu, tilurð Ísraelsríkis og allt það sem hefur gerst síðan. Við fáum upplýsingar í rauntíma um hvað er að gerast á þessu svæði akkúrat núna. Það er til fullt af upplýsingum um síðustu áratugi. Bæði frá fræðasamfélaginu og opinberum stofnunum sem hafa til dæmis haldið utan um mannfall beggja megin, ólöglegar landtökubyggðir Ísraela, áhrif aðskilnaðarmúrsins og fleiri „aðgerðir” í gegnum árin. Töluleg gögn frá fagfólki. Samt kjósa einhverjir að láta eins og þetta sé svo flókið að það sé ekki hægt að taka afstöðu. Hvað er það sem er svona flókið? Ef gögn frá Sameinuðu þjóðunum eru ekki marktæk, er Ísraelsríki þá marktækt? – það á tilurð sína Sameinuðu þjóðunum að þakka. Einhverjir kjósa að láta eins þetta hafi allt byrjað 7. október í ár þegar Hamas gerði viðurstyggilega árás á ísraelska borgara. Ég fordæmi þau hryllilegu morð. En það getur varla talist upphaf að neinu er það? Meira sönnun á því að ofbeldi kallar á ofbeldi. Einhverjir hafa líka áhyggjur af því að hinn almenni gyðingur verði fyrir aðkasti á förnum vegi. Oft er þetta sama fólkið og telur Hamas ábyrgt fyrir „aðgerðum“ Ísraela á Gaza núna. Ef þau rök eru gild ættu sömu rök ekki að eiga við alltaf? Gegndarlaus dráp Ísraelshers á saklausu fólki ættu samkvæmt því að kalla á andúð almennings og framkoma Ísraelsríkis í gegnum árin ætti þá líka að kalla fram andúð íbúa Palestínu. Eða eru gyðingar alltaf fórnarlömb? Staðreyndin er nefnilega sú að þetta á sér langan aðdraganda og alþjóðasamfélagið virðist vera meðvitað um það hryllilega ofbeldi sem íbúar Palestínu búa við dag frá degi og hafa gert síðustu 75 árin. Skrásetningin er til staðar, dómar hafa fallið en Ísraelar láta sér ekki segjast. Tímalína: 1947 Sameinuðu þjóðirnar skipta Palestínu upp í tvö ríki, annars vegar Araba og hins vegar Gyðinga. 1948 lýsti Ísraelsríki yfir sjálfstæði og lagði undir sig megnið af því landsvæði sem áður tilheyrði Palestínuumdæmi Breta. 1967 Ísraelsríki hernemur Vesturbakkann, Gazaströndina og Gólanhæðir í sex daga stríðinu. 1987 er Hamas stofnað til að berjast gegn Ísrael með það að markmiði að frelsa Palestínu og að veita palestínskum íbúum á hernumdum svæðum félagslega aðstoð. 2004 Ísrael byggir aðskilnaðarmúr sem er dæmdur ólöglegur samkvæmt Genfarsáttmálanum og öðrum alþjóðalögum sem Ísrael er aðili að. Múrinn er skýlaust brot á samþykktum Sameinuðu þjóðanna. Alþjóðadómstóllinn í Haag úrskurðar í febrúar 2004 að byggingu múrsins skyldi tafarlaust hætt, hann skuli rifinn og fórnarlömbum byggingu hans – m.a. þeir sem misst hafa hús sín, jarðir og atvinnu – skuli tafarlaust verða greiddar bætur. Ályktun Alþjóðadómstólsins segir að það sé skylda allra ríkja sem eiga aðild að Genfarsáttmálanum og sáttmála Sameinuðu þjóðanna um verndun borgara á stríðstímum að virða stofnsáttmála Sameinuðu þjóðanna og sjá til þess að Ísraelar fari að alþjóðalögum og fari eftir úrskurði dómstólsins. 2004 Íbúar Palestínu eiga bara eftir 22% af því landi sem upphaflega var í skiptingu Sameinuðu þjóðanna og lifa í aðskildum og einangruðum gettóum. Umkringdir ísraelska hernum og ísraelsku landtökufólki. 2008 -2009 Ísraelsher fer í aðgerðina “The Gaza war” sem stóð í þrjár vikur. Þar létust 1.417 íbúar Palestínu og 13 Ísraelar. 2008- 2020 eru 5.600 Palestínumenn drepnir og 115.000 særðir samkvæmt gögnum Sameinuðu þjóðanna (OCHA). 2008 -2020 eru 250 Ísraelar drepnir og 5.600 særðir samkvæmt gögnum Sameinuðu þjóðanna (OCHA). 2012 Ísraelsher fer í aðgerðina “Operation Pillar of Defense” en þar voru 174 íbúar Palestínu drepnir og hundruð særðir. 2014 Ísraelsher fer í aðgerðina „Protective Edge“ á Gaza. Á sjö vikum eru 2.000 íbúar Palestínu drepnir. Óbreyttir borgarar og börn. Þúsundir særðir. 2017 Ísraelar búnir að taka yfir 100.000 hektara frá palestínsku þjóðinni. Þú stelur ekki landi átakalaust, það krefst ofbeldis og drápa. Þá höfðu 50.000 palestínsk heimili verið rifin og eyðilögð af Ísraelum í því sem kallað er OPT (Occupied Palestinian Territory). 2021 og 2022 gáfu Mannréttindavaktin og Amnesty International út skýrslur þar sem komist var að þeirri niðurstöðu að framgangur Ísraela gagnvart hernámssvæðum sínum í Palestínu félli undir lagalega skilgreiningu á kynþáttaaðskilnaðarstefnu í skilningi Rómarsamþykktar um Alþjóðlega sakamáladómstólinn. 2023 Landrán Ísraela er stöðugt og í byrjun þessa árs tilkynnti forsætisráðherra Ísraels áform um að reisa 10.000 ný íbúðarhús á landtökubyggðum á Vesturbakkanum og lögleiða níu ólöglegar landtökubyggðir afturvirkt. 2023 Hamas ræðst á Ísraela. Drepur 1.400 manns. Ísraelar svara og eru nú búnir að drepa 9.227 íbúa Palestínu þegar þetta er skrifað. Af þeim eru 3.826 börn. Særðir eru 23.5126 meðal annars börn með fjórðastigs bruna af völdum nýrrar gerðar af sprengjum sem Bandaríkin eru meðal annars að styrkja Ísrael með. Þeir sprengja sjúkrahús, skóla, sjúkrabíla og flóttamannabúðir. Inn í þessum tölum hér að ofan eru ekki afleidd dauðsföll öll þessi ár vegna lélegra lífsskilyrða í kjölfar hernáms Ísraelshers með aðskilnaðarmúr, upptöku auðlinda eins og vatns og vegatálmunum (checkpoints). Ekkert hefur breyst á öllum þessum tíma. Ísraelar fara ekki að kröfum alþjóðasamfélagsins um að láta af landráni, aðskilnaðarstefnu, ofbeldi, niðurlægingu og kúgun. Öll þessi ár hefur Ísraelsríki hagað sér nákvæmlega eins og því sýnist. Það er alltaf rétt að fordæma ofbeldi, en er þá ekki rétt að fordæma það í samræmi við ofbeldisverk? Þar er skiptingin ekki jöfn. Atburðarásin síðustu áratugi er ekki á ábyrgð Palestínu. Atburðarásin núna er ekki á ábyrgð Palestínu. Atburðarásin sem verður í kjölfar þessa alls er ekki á ábyrgð Palestínu. Það er bara einn gerandi í þessu ofbeldissambandi - og mjög margir meðvirkir. Ég skil ekki hvers vegna tölulegar staðreyndir ná ekki til allraþegar kemur að þessu málefni. Ég skil ekki hvernig fólk getur skrifað þessar hörmungar á Hamas og/eða íbúa Palestínu. Ég skil ekki máttleysi alþjóðasamfélagsins og öryggisbandalags SÞ. Ég skil ekki hvernig við getum setið hjá. Ég skil ekki hvað er svona flókið. Ég skil ekki. Höfundur er manneskja.
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Skoðun Engin eftirspurn eftir Viðreisnar- og Samfylkingarmódelinu Andri Steinn Hilmarsson skrifar
Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir skrifar
Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson skrifar
Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson skrifar
Skoðun Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein skrifar
Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk skrifar
Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman skrifar
Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson skrifar
Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir skrifar
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun