Lífið

Linda P og Sigga Beinteins svara fyrir kjaftasöguna um ástar­sam­band

Boði Logason skrifar
Linda Pétursdóttir og Sigríður Beinteinsdóttir voru gestir í Bakarínu á Bylgjunni í morgun.
Linda Pétursdóttir og Sigríður Beinteinsdóttir voru gestir í Bakarínu á Bylgjunni í morgun. Samsett

Sigríður Beinteinsdóttir og Linda Pétursdóttir voru gestir í Bakarínu á Bylgjunni í morgun. Þar svöruðu þær fyrir kjaftasöguna um að þær eigi í ástarsambandi.

Í þættinum svöruðu þær spurningum frá þáttastjórnendunum Ásu Ninnu og Svavari Erni. Ein af spurningunum var á þá leið hvor þeirra heyri fleiri kjaftasögur um sig. Það stóð ekki á svörum hjá Lindu P sem sagði að það væri klárlega Sigga.

„Ég heyri fullt af kjaftasögum, ég er alltaf að heyra einhverjar kjaftasögur. Er maður ekki vinsæll þegar það eru kjaftasögur í gangi? En vitið þið það, maður er löngu búinn að loka á þetta kjaftæði, maður veit hvað er satt,“ sagði Sigga Beinteins.

Ása Ninna spurði vinkonurnar þá hvort þær hafi heyrt kjaftasöguna um að þær tvær séu í ástarsambandi. „Sigga var að segja mér það áðan,“ svaraði Linda P þá og hélt áfram. „Það er búið að vera í 35 ár.“

Aðspurðar hvernig þær taki því þegar þær heyra svona orðróm um sig segjast þær hlæja að honum. „Maður hlustar ekki á svona kjaftæði,“ sagði Sigga og Linda tekur í sama streng. „Maður er ekkert að pæla í þessu.“

Sigga Beinteins og Linda P voru gestir í Bakaríinu í morgun.Bylgjan
Bakaríið Bylgjan Ástin og lífið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.