Tvö­falt fleiri full­trúar Ís­lands á COP28

Í hópnum eru auk áðurnefndra fulltrúa, þingmenn og fulltrúar Reykjavíkurborgar, félagasamtaka á borð við Unga umhverfissinna og Landvernd, og 18 fyrirtækja á sviði endurnýjanlegrar orku, kolefnisföngunar og –geymslu og önnur fyrirtæki á sviði grænna lausna.

Þeim hefur fjölgað um nærri hundrað prósent frá því í fyrra þegar 44 Íslendingar fóru til Egyptalands.

Tveir ráðherrar fara úr ríkisstjórninni, það eru Katrín Jakobsdóttir forsætisráðherra sem tekur þátt í leiðtogafundi sem haldinn verður í upphafi ráðstefnunnar. Guðlaugur Þór Þórðarson, umhverfis-, orku- og loftslagsráðherra tekur þátt í fundum og hliðarviðburðum á ráðstefnunni, auk tvíhliðafunda með ríkjum og alþjóðastofnunum.

Umhverfis-, orku- og loftslagráðuneytið greiðir kostnað vegna þátttöku fulltrúa ráðuneytisins í sendinefndinni, auk þess að styrkja fulltrúa ungmenna til þátttöku á fundinum. Er þetta í þriðja sinn sem fulltrúi ungmenna er í hinni opinberu sendinefnd.

Alls eru tólf í opinberri sendinefnd Íslands á Loftslagsráðstefnu Sameinuðu þjóðanna. Af þeim eru sex fulltrúar umhverfis-, orku- og loftslagsráðuneytisins, tveir fulltrúar frá utanríkisráðuneytinu og tveir fulltrúar frá forsætisráðuneytinu, einn fulltrúi frá fjármálaráðuneytinu og tveir fulltrúar frá Umhverfisstofnun, auk þess sem í sendinefndinni er fulltrúi frá Landssamtökum ungmennafélaga.

Alls sækja fimm fulltrúar fundina alla dagana, en stærstur hluti sendinefndarinnar tekur aðeins þátt í hluta fundarins. Einnig sækja fundinn sérfræðingar frá undirstofnunum umhverfis-, orku og loftslagsráðuneytisins sem vinna að loftslagsmálum með ýmsum hætt, þ.e. frá Orkustofnun og Veðurstofu Íslands.

Opið er fyrir skráningu á COP28 meðan fundurinn stendur yfir. Fjöldi fulltrúa íslenskra stjórnvalda gæti því mögulega tekið einhverjum breytingum.

Að neðan má sjá þá sem eru skráðir á COP27 frá Íslandi (upplýsingarnar eru fengnar frá umhverfis-, loftslags- og orkumálaráðuneytinu):