Innlent

Tíu til­nefnd sem fram­úr­skarandi ungir Ís­lendingar

Kolbeinn Tumi Daðason skrifar
Sólborg Guðbrandsdóttir hlaut verðlaunin í fyrra.
Sólborg Guðbrandsdóttir hlaut verðlaunin í fyrra. JCI

Tíu einstaklingar hafa verið tilnefndir sem framúrskarandi ungur Íslendingur  af Junior Chamber International á Íslandi. Verðlaunin eru fyrst og fremst hvatningarverðlaun til ungs fólks sem er að takast á við krefjandi og athyglisverð verkefni.

Auglýst er eftir tilnefningum á hverju ári og geta allir sent inn tilnefningar fyrir framúrskarandi ungan íslending. Sérstök dómnefnd fór svo yfir tilnefningar og valdi úr tíu einstaklinga sem fá viðurkenningu og þar af einn verðlaunahafa.

Forseti Íslands, Guðni Th. Jóhannesson verndari verkefnisins mun veita viðurkenningarnar við hátíðlega athöfn í Sólinni, Háskólanum í Reykjavík þann 6. desember næstkomandi. Húsið opnar kl 16:30 og athöfnin sjálf hefst stundvíslega klukkan 17:00

Þau tíu sem eru tilnefnd.

Dómnefnd verðlaunna í ár skipuðu þau Margrét Helga Gunnarsdóttir, Landsforseti JCI Íslands, Helgi Guðmundsson, Senator JCI Reykjavíkur, Þórunn Eva G. Pálsdóttir, Framúrskarandi ungur Íslendingur 2021, Kolbrún Þ. Pálsdóttir, forseti Menntavísindasviðs HÍ og Eva Brá Önnudóttir, varaforseti LUF.

Eftirfarandi einstaklingar hljóta viðurkenninguna í ár;

  • Anita Ýrr Taylor, störf á sviði mannúðar- eða sjálfboðaliðamála
  • Aníta Sóley Scheving Þórðardóttir, framlag til barna, heimsfriðar og/eða mannréttinda
  • Annie Mist Þórisdóttir, einstaklingar og/eða afrek
  • Birna Dröfn Birgisdóttir, störf á sviði viðskipta, frumkvöðla og/eða hagfræði
  • Bryndís Bjarnadóttir, störf á sviði tækni og vísinda
  • Edda Þórunn Þórarinsdóttir, störf/uppgötvanir á sviði læknisfræði
  • Laufey Lín Jónsdóttir, störf/afrek á sviði menningar
  • Kristín Taiwo Reynisdóttir, framlag til barna, heimsfriðar og/eða mannréttinda
  • Sveinn Sampsted, framlag til barna, heimsfriðar og/eða mannréttinda
  • Tinna Hallgrímsdóttir, störf á sviði stjórnmála, ríkismála og/eða umhverfismála

Einn úr þessum hópi verður svo valinn sem Framúrskarandi Ungur Íslendingur árið 2023.

Forseti Íslands Guðni Th. Jóhannesson

Tengdar fréttir

Sól­borg valin fram­úr­skarandi ungur Ís­lendingur

Sólborg Guðbrandsdóttir hlaut í gær titilinn Framúrskarandi ungur Íslendingur 2022. Sólborg Guðbrandsdóttir er brautryðjandi í baráttu mannréttinda og réttinda kvenna. Hún hefur barist gegn skaðlegu feðraveldi og nauðgunarmenningu og hvatt ungt fólk til að breyta rétt og veitt þeim innblástur.

Þórunn Eva er fram­úr­skarandi ungur Ís­lendingur

Þórunn Eva G. Pálsdóttir hlaut titilinn Framúrskarandi ungur Íslendingur árið 2021 í gær. Þórunn Eva hefur vakið athygli á málefnum langveikra barna og aðstandenda þeirra. Hún hefur skrifað bók um efnið, stofnað góðgerðarsamtök og stendur á bak við Míuverðlaunin.

Mest lesið


Fleiri fréttir

Sjá meira


×

Mest lesið