Stór sprenging á Seychelleseyjum

Sprengingin náðist á myndband sem hefur verið í dreifingu á samfélagsmiðlum. Fjöldi bygginga eyðilagðist í sprengingunni og slösuðust hundruð manna.

„Ég þekki margar fjölskyldur sem hafa orðið fyrir skaðlegum áhrifum vegna sprengingarinnar. Það var eins og það hafi átt sér stríð þarna á svæðinu,“ hefur BBC eftir Wavel Ramkalawan, forseta Seychelleseyja. 

Flugvöllur landsins varð fyrir skemmdum þrátt fyrir að vera fjóra kílómetra frá staðnum þar sem sprengingin varð. Skólum landsins var lokað í dag og eingöngu tekið á móti sjúklingum í bráðri lífshættu á spítölum. 

Seychelleseyjar eru fámennasta og minnsta land Afríku. Þar búa rétt rúmlega hundrað þúsund manns á 115 eyjum.