Nýársbingó Blökastsins í dag: „Stærsta bingóið til þessa“

Auddi, Steindi og Egill lofa mikilli skemmtun og von er á sérstökum gestum í heimsókn.

„Þetta verður stærsta Bingóið hingað til, flottustu vinningarnir og fleiri bingó en við höfum áður verið með. Það hefur alltaf vantað eitthvað að gera á nýársdag, allt lokað og allir heima. Nú getur fólk hent sér í sófann og spilað Bingó, svo mæta þau Jóhanna Guðrún, Sverrir Bergman og Halldór Gunnar og taka lagið. Þetta er stemnings-bingó, svo ef þú færð bingó heima í stofu mundu þá að öskra BINGÓ,“ segir Steindi.

Allir geta horft á útsendinguna en til þess að fá bingóspjöld þarf að gerast áskrifandi að hlaðvarpi þeirra félaga, Blökastinu. Það er gert með því að fara á fm95blo.is, gerast áskrifandi og smella svo á rauða bingótakkann.

Glæsilegir vinningar

• 100.000 kr. gjafabréf frá Icelandair
• 135.000 kr. Legion Go leikjatölva og over-ear Bose heyrnatól frá Origo
• 150.000 kr. gjafabréf í tattoo frá Gísla Þórsson á Lifandi List Tattoo Studio
• Árskort í Lúxus-salinn frá Sambíóunum
• Úlpa frá 66° Norður
• Gjafabréf frá Hótel Kalda (Gisting fyrir 2 í eina nótt með morgunverði og bjórbað fyrir 2 í bjórböðunum)
• Ársbirgðir af Lite bjór eða PepsiMax frá Ölgerðinni
• 100.000 kr. inneign frá Nettó í Nettó-appinu
• Playstation 5 Slim frá Senu
• Tvö árskort í Sporthúsinu að andvirði 260.000 kr. (Gullkort)

Svona virkar þetta

Áskrifendur Blökastsins fá aðgang að hlekk með bingóinu og geta sótt sér þrjú spjöld. Þeir sem vilja taka þátt fara á hlekkinn, skrifa fullt nafn og slá inn símanúmer. Síðan skrá þeir sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Ýttu á Bingó-takkann

Síðan er um að gera að fylgjast vandlega með því þegar strákarnir draga út tölurnar. Ef þú skyldir fá bingó áttu að ýta á Bingó-takkann neðst á spjaldinu um leið. Ef þú ert í stuði er gott að kalla líka „BINGÓ!“

Eins og áður sagði má finna nánari upplýsingar á vef Tals hér á Vísi.