Björg ráðin að­stoðar­maður verðandi borgar­stjóra

Þetta kemur fram í frétt mbl.is um málið.

Björg seg­ir í viðtali við Morgunblaðið að eft­ir lang­an tíma á RÚV sé kom­inn tími á breyt­ing­ar og nýj­ar og stór­ar áskor­an­ir. Síðasta árið hafi hún verið í fæðingarorlofi og þá fari nærumhverfið að skipta mann meira máli.

Hún hafi eins og aðrir foreldrar þurft að velta leikskólamálum alvarlega fyrir sér og finni hvað það skiptir miklu máli að þau mál séu í lagi. Það sé henni því heiður að fá tækifæri til að starfa að málaflokknum og vonandi gera gagn.

Björg og Einar voru samstarfsfélagar á Rúv og þekkjast því vel. Björg segir í viðtali við Morgunblaðið að Einar sé góður maður og að hún skjóti á að hann verði „mjög góður borgarstjóri“. Jafnframt trúi hún því að „hóf­söm nálg­un af miðjunni með skýra for­gangs­röðun“ sé skyn­sam­leg.

Einnig þurfi fleira „venju­legt, mál­efna­legt og skemmti­legt fólk í stjórn­málin“ sem ætl­i að vera á skófl­unni fyr­ir borg­ar­búa. Það sé góð pólitík að hennar mati.