Á vef Veðurstofunnar kemur fram að viðvörunin fyrir Norðurland eystra verði í gildi til klukkan 23. Búist er við norðan hvassviðri, 15 til 20 metrum á sekúndu, snjókomu og lélegu skyggni. Líkur eru á að færð spillist.
Á Austurlandi að Glettingi er búist við norðan- og norðvestan hvassviðri, 15-20 metrum á sekúndu, snjókomu og skafrenningi með lélegu skyggni. Einnig eru taldar líkur á að færð spillist.
