Nýr for­stjóri Man United kemur frá ná­grönnum þeirra í City

Það var David Ornstein, blaðamaður The Athletic, sem greindi fyrst frá þessu. Í frétt miðilsins segir að um óvænt tíðindi séu að ræða. Berrada tekur við starfi Richard Arnold sem var látinn taka poka sinn eftir að Jim Ratcliffe og INEOS festu kaup á 25 prósent hluta í félaginu.

Síðan þá hefur félagið sjálft staðfest komu Berrada. Hann er talinn ein helsta ástæða þess að Man City hefur náð þeim árangri sem raun ber vitni undanfarin ár. Man United vildi einhvern sem hefur náð árangri innan vallar en er að sama skapi fær þegar kemur að viðskiptahlið knattspyrnunnar.

Berrada, sem hefur einnig starfað fyrir Barcelona, mun vera viðloðandi bæði hjá Man United sem og hann mun fá sæti í stjórn félagsins og vera í beinum samskiptum við eigendur félagsins, það er Glazer-fjölskylduna sem á enn 75 prósent hlut í Man Utd.