Það hjálpaði lærisveinum Xabi Alonso að Jan Thielmann fékk beint rautt spjald snemma leiks og gestirnir því manni fleiri í 76 mínútur. Það nýtti vængbakvörðurinn Jeremie Frimpong sér en hann kom Leverkusen yfir á 38. mínútu eftir undirbúning Patrik Schick.
Það var svo hinn vængbakvörður Leverkusen, Alejandro Grimaldo, sem gerði út um leikinn með marki á 73. mínútu. Lokatölur í Köln 0-2 og gestirnir auka forystu sína á toppi deildarinnar í 10 stig.
Bayer Leverkusen are clear at the top of the Bundesliga pic.twitter.com/eh780DNSM3
— B/R Football (@brfootball) March 3, 2024
Þegar tíu umferðir eru eftir er Leverkusen með 64 stig á toppi deildarinnar á meðan ríkjandi meistarar í Bayern Munchen eru með 54 stig í 2. sæti.