Um­hverfis­vænar hár­vörur sem hafa slegið í gegn

Fyrsta kynslóð vara frá Waterclouds koma á markað árið 2001 í Svíþjóð og hefur vörumerkið vaxið jafnt og þétt síðan þá. Í dag er það eitt stærsta og virtasta hárvörumerki Svíþjóðar að sögn Jóhanns Eymundssonar, hágreiðslumanns og eiganda Waterclouds á Íslandi. „Það segir nú mikið enda eru Svíar þekktir fyrir mörg hágæða vörumerki þegar kemur að hárvörum.“

Sjálfur hefur Jóhann starfað í þessum geira síðan árið 2006 og á því 18 ára starfsafmæli síðar á árinu. Fyrir vikið hefur hann mikla þekkingu á ólíkum hárvörum, kostum þeirra og göllum. „Árið 2020 lenti ég í slysi og þurfti að hætta hefðbundnu hárgreiðslustarfi en vildi endilega halda áfram að starfa í greininni. Ég fann þetta flotta vörumerki á ferðalagi um Svíþjóð og fannst kominn tími á að kynna landsmönnum fyrir nýjum og spennandi hárvörum.“

Það sem einkennir meðal annars Waterclouds vörurnar er að þær eru hannaðar með norrænt hár í huga að sögn Jóhanns. „Það eru ekki endilega allir sem átta sig á því hversu ólíkar hártýpur eru í heiminum. Hár okkar sem búa í Norður Evrópu er til dæmis ólíkt íbúum Suður Evrópu en við höfum mun fíngerðara hár en grannar okkar í suðri.“

Því skipta innihaldsefni hárvara mjög miklu máli upp á bestu virkni fyrir hártýpu okkar og þar koma vörurnar frá Waterclouds heldur betur sterkar inn. „Þegar réttu hárvörurnar eru valdar þarf líka að nota mun minna af efni og því duga vörurnar frá Waterclouds mun lengur.“

Vörurnar frá Waterclouds eru unisex og henta öllum kynjum að sögn Jóhanns. „Þær eru þó vinsælastar meðal kvenna. Reyndar bjóðum við upp á sér herralínu sem er hönnuð í stíl sjötta áratugar síðustu aldar og minnir um margt á stemninguna á rakarastofunum í New York um miðja síðustu öld. Einnig bjóðum við upp á skemmtilega skegglínu með fjölbreyttum vörum sem hugsa um húðina undir skegginu, fyrir skeggið sjálft og til að móta það betur. Seinna á þessu ári munum við auka við vöruúrval okkar, koma inn með liti og aukahluti fyrir hársnyrta og jafnvel annað spennandi merki.“

Waterclouds leggur mikið upp úr umhverfisstefnu sinni þar sem meðal annars er lögð áhersla á endurunnið plast, hrein og góð innihaldsefni auk þess sem vörurnar eru ekki prófaðar á dýrum að sögn Jóhanns. „Allar vörur Waterclouds eru þróaðar úr hráefnum norrænnar náttúru. Framtíðar markmið Waterclouds er að vörur fyrirtækisins innihaldi að minnsta kosti 80% náttúrulegar afurðir í framtíðinni. Svo má ekki gleyma því að þær eru ekki prófaðar á dýrum heldur notum við aðrar aðferðir til þess að prófa öryggi og gæði varanna.“

Sölustaðir Waterclouds eru einungis vel valdar hárgreiðslustofur en hægt er að kynna sér sölustaðina og vöruúrvalið á waterclouds.is.