Andaði léttar er martraðarriðill þaut hjá Aron Guðmundsson skrifar 6. mars 2024 07:21 Íslensku stelpurnar fagna marki á móti Serbíu á Kópavogsvellinum á dögunum. Vísir/Hulda Margrét Íslenska kvennalandsliðið í fótbolta var í pottinum þegar dregið var í undankeppni EM 2025 í fótbolta í gær. Landsliðsþjálfarinn andaði léttar eftir að Ísland slapp við sannkallaðan martraðarriðil. Áttfaldir Evrópumeistarar bíða þó Stelpnanna okkar. Dregið var í höfuðstöðvum UEFA í Nyon í Sviss og fór svo að liðið verður með áttföldum Evrópumeisturum Þýskalands, Austurríki og Póllandi í riðli. „Þetta er fínt heilt yfir,“ segir Þorsteinn Halldórsson landsliðsþjálfari um riðilinn sem Ísland dróst í. „Við gerum okkur auðvitað grein fyrir því að leikirnir á móti Þýskalandi verða býsna erfiðir. Þetta er lið sem við vorum með núna síðast í Þjóðadeildinni. Þá öttum við kappi gegn Austurríki á útivelli í fyrra og unnum þær 1-0 í hörkuleik. Þorsteinn Halldórsson, landsliðsþjálfari Íslands telur mögueikana góða í krefjandi riðli íslenska kvennalandsliðsins í fótbolta í undankeppni EM 2025Vísir/Sigurjón Ólason Við vitum að Austurríki býr yfir hörkuliði, þær sýndu mátt sinn og megin í Þjóðadeildinni núna síðast. Þá spiluðum æfingaleik við Pólverjana fyrir síðasta Evrópumót. Unnum þær þar. Þetta pólska lið er gott, með góða leikmenn innanborðs. Auðvitað eru þetta allt sterkar þjóðir í þessari A-deild og er maður því heilt yfir sáttur með þennan riðil.“ Klárlega riðill sem maður vildi ekki lenda í Staðreyndin er nefnilega sú að Ísland slapp við að enda í riðli með heimsmeisturum Spánar eða í sannkölluðum martraðarriðli með Englandi og Frakklandi innanborðs. Hvernig var fyrir þig að fylgjast með drættinum og horfa mögulega upp á að lenda í þessum martraðarriðli? „Þegar að það var búið að draga fyrstu tvær þjóðirnar úr okkar styrkleikaflokki og sá næst möguleika á að lenda í riðli með Englendingum og Frökkum, þá var það klárlega riðill sem maður vildi ekki lenda í. Sem betur fer enduðu Svíarnir þar. Maður var bara sáttur við að sleppa við að enda í þeim riðli. Það var mjög gott.“ Bryndís Arna og Sveindís Jane fagna jöfnunarmarki Íslands gegn Serbíu á dögunumVísir/Hulda Margrét Margar leiðir á EM Sú breyting hefur orðið á undankeppninni að hún er beintengd við árangur í Þjóðadeildinni. Þar stendur Ísland vel að vígi og ávinningur liðsins af því að bera sigur úr býtum gegn Serbíu, í einvígi liðanna um laust sæti í A-deild, að koma betur og betur í ljós. Liðin í fyrsta og öðru sæti í sínum riðlum í A-deild komast beint á EM en þau lið sem enda í þriðja og fjórða sæti fara í umspil um sæti á EM. Þar bíður einvígi gegn einu af átta bestu liðunum úr C-deild í undanúrslitum og svo annað hvort einvígi gegn liði úr B eða C deild í úrslitum. Þá munu þau lið sem enda í neðstu sætum sinna riðla í A-deildinni falla niður í B-deild. Ísland mun því alltaf, að minnsta kosti, fara í umspil um laust sæti á EM. Gyllta gæsin er hins vegar að enda í einum af tveimur efstu sætum riðilsins og tryggja sér beinan farmiða á mótið sem fer fram í Sviss á næsta ári. „Auðvitað stefnum við að komast beint á EM, aðalmarkmiðið snýr að því að komast á EM, sama hvaða leið við förum að því markmiði, en stefnan er sett á annað af þessum efstu tveimur sætum riðilsins. Þessi riðill gefur okkur vonandi tækifæri til þess. Maður býst við harðri baráttu um þetta annað sæti milli okkar, Austurríkis og væntanlega Póllands líka. Heilt yfir er þetta bara fínasta niðurstaða fyrir okkur. Ég er því þokkalega bjartsýnn.“ Glódís Perla, landsliðsfyrirliði, fagnar með samherjum sínum í íslenska landsliðinu.Vísir/Vilhelm Þétt spilað sem hentar okkur vel Það verður leikið þétt í undankeppninni. Fyrstu umferðir riðlakeppninnar fara fram í næsta mánuði og svo tekur við hvert landsliðsverkefnið á fætur öðru og í júlí mun svo riðlakeppninni ljúka. Þá skýrast næstu skref fyrir íslenska landsliðið. Hvort það fari beint á EM eða taki þátt í umspili. Hvernig finnst þér liðið í stakk búið til að hefja þessa undankeppni? „Miðað við ástandið á leikmannahópnum lítur þetta bara vel út. Það er kannski bara betra fyrir okkur að það sé stutt á milli leikja eins og var til dæmis raunin síðasta haust. Það hjálpaði okkur að tíminn sem leið á milli leikja var ekki svo langur. Ég á von á því að þetta hjálpi okkur frekar en hitt. Að hafa styttra á milli leikja. Að við séum ekki að fá ryð í hópinn. Heldur að það séu bara fjórar vikur milli leikja. Ég held að það hjálpi okkur, gefi okkur betri möguleika á því að vera samstilltari í hverju verkefni fyrir sig.“ Þjóðadeild kvenna í fótbolta Landslið kvenna í fótbolta Mest lesið Látnir gista líka á æfingasvæðinu Enski boltinn Haaland klúðraði víti og City tapaði stigum Enski boltinn Í beinni: Chelsea - Fulham | Ná heimamenn að pressa á Liverpool? Enski boltinn „Ég elska NFL deildina en jóladagur er okkar“ Körfubolti Tók „erfiðustu ákvörðun ævinnar“ og fór til Valencia Fótbolti Meistarinn gæti þurft að slá út tvo nafna sína á leiðinni í úrslit Sport Fimm hlutu dóm fyrir ólætin í Amsterdam Fótbolti Dagskráin í dag: Íslandsmeistarar og fótbolti Sport 76ers sóttu sigur úr Garðinum Körfubolti Sáu ekki til sólar en unnu samt Enski boltinn Fleiri fréttir Hafa tvisvar áður mæst: „Gakpo er sem betur fer í mínu liði núna“ Í beinni: Chelsea - Fulham | Ná heimamenn að pressa á Liverpool? Í beinni: Nott. Forest - Tottenham | Spurs þarf að svara eftir skellinn Haaland klúðraði víti og City tapaði stigum Tók „erfiðustu ákvörðun ævinnar“ og fór til Valencia Látnir gista líka á æfingasvæðinu Fimm hlutu dóm fyrir ólætin í Amsterdam Botnliðin eiga von og meistararnir geta fallið Bayern heldur enn í vonina um að næla í Wirtz Coote ætlar ekki að áfrýja brottrekstrinum Amorim hissa á fólkinu í kringum Rashford Rooney og Lampard mætast í fyrsta sinn sem þjálfarar Segir slæmt gengi City ekki Haaland að kenna Liverpool sjö sinnum áður verið toppliðið um jólin Alex Iwobi bregður sér í jólasveinabúning og opnar ókeypis búð Ver jólunum í faðmi fjölskyldunnar og vonast eftir lóðasetti Músaskítur í leikhúsi draumanna Fjármálastjórinn hágrét þegar hann gekk frá uppsögninni Klopp sýndi Red Bull áhuga þegar hann var enn þjálfari Liverpool Manchester United skoðar Malasíuferð strax eftir tímabilið Tækifæri að opnast fyrir Benóný hjá Stockport Inter þremur stigum frá toppnum og með leik til góða Eftirmaður Amorim strax á útleið Svekkjandi tap hjá Alberti og félögum eftir að hafa komist yfir Landaði forstjórastarfi hjá Forest eftir að Rómverjar ruddu henni burt Nesta látinn fara eftir aðeins einn sigur í sautján leikjum Fasistakveðjur til ungs Mussolini vekja athygli Dauðþreyttur á sömu spurningum: „Fólk heldur að það sé hægt að ýta á takka“ Algjört áfall fyrir Arsenal og Saka „Ég hætti í landsliðinu þegar ég hætti í fótbolta“ Sjá meira
Dregið var í höfuðstöðvum UEFA í Nyon í Sviss og fór svo að liðið verður með áttföldum Evrópumeisturum Þýskalands, Austurríki og Póllandi í riðli. „Þetta er fínt heilt yfir,“ segir Þorsteinn Halldórsson landsliðsþjálfari um riðilinn sem Ísland dróst í. „Við gerum okkur auðvitað grein fyrir því að leikirnir á móti Þýskalandi verða býsna erfiðir. Þetta er lið sem við vorum með núna síðast í Þjóðadeildinni. Þá öttum við kappi gegn Austurríki á útivelli í fyrra og unnum þær 1-0 í hörkuleik. Þorsteinn Halldórsson, landsliðsþjálfari Íslands telur mögueikana góða í krefjandi riðli íslenska kvennalandsliðsins í fótbolta í undankeppni EM 2025Vísir/Sigurjón Ólason Við vitum að Austurríki býr yfir hörkuliði, þær sýndu mátt sinn og megin í Þjóðadeildinni núna síðast. Þá spiluðum æfingaleik við Pólverjana fyrir síðasta Evrópumót. Unnum þær þar. Þetta pólska lið er gott, með góða leikmenn innanborðs. Auðvitað eru þetta allt sterkar þjóðir í þessari A-deild og er maður því heilt yfir sáttur með þennan riðil.“ Klárlega riðill sem maður vildi ekki lenda í Staðreyndin er nefnilega sú að Ísland slapp við að enda í riðli með heimsmeisturum Spánar eða í sannkölluðum martraðarriðli með Englandi og Frakklandi innanborðs. Hvernig var fyrir þig að fylgjast með drættinum og horfa mögulega upp á að lenda í þessum martraðarriðli? „Þegar að það var búið að draga fyrstu tvær þjóðirnar úr okkar styrkleikaflokki og sá næst möguleika á að lenda í riðli með Englendingum og Frökkum, þá var það klárlega riðill sem maður vildi ekki lenda í. Sem betur fer enduðu Svíarnir þar. Maður var bara sáttur við að sleppa við að enda í þeim riðli. Það var mjög gott.“ Bryndís Arna og Sveindís Jane fagna jöfnunarmarki Íslands gegn Serbíu á dögunumVísir/Hulda Margrét Margar leiðir á EM Sú breyting hefur orðið á undankeppninni að hún er beintengd við árangur í Þjóðadeildinni. Þar stendur Ísland vel að vígi og ávinningur liðsins af því að bera sigur úr býtum gegn Serbíu, í einvígi liðanna um laust sæti í A-deild, að koma betur og betur í ljós. Liðin í fyrsta og öðru sæti í sínum riðlum í A-deild komast beint á EM en þau lið sem enda í þriðja og fjórða sæti fara í umspil um sæti á EM. Þar bíður einvígi gegn einu af átta bestu liðunum úr C-deild í undanúrslitum og svo annað hvort einvígi gegn liði úr B eða C deild í úrslitum. Þá munu þau lið sem enda í neðstu sætum sinna riðla í A-deildinni falla niður í B-deild. Ísland mun því alltaf, að minnsta kosti, fara í umspil um laust sæti á EM. Gyllta gæsin er hins vegar að enda í einum af tveimur efstu sætum riðilsins og tryggja sér beinan farmiða á mótið sem fer fram í Sviss á næsta ári. „Auðvitað stefnum við að komast beint á EM, aðalmarkmiðið snýr að því að komast á EM, sama hvaða leið við förum að því markmiði, en stefnan er sett á annað af þessum efstu tveimur sætum riðilsins. Þessi riðill gefur okkur vonandi tækifæri til þess. Maður býst við harðri baráttu um þetta annað sæti milli okkar, Austurríkis og væntanlega Póllands líka. Heilt yfir er þetta bara fínasta niðurstaða fyrir okkur. Ég er því þokkalega bjartsýnn.“ Glódís Perla, landsliðsfyrirliði, fagnar með samherjum sínum í íslenska landsliðinu.Vísir/Vilhelm Þétt spilað sem hentar okkur vel Það verður leikið þétt í undankeppninni. Fyrstu umferðir riðlakeppninnar fara fram í næsta mánuði og svo tekur við hvert landsliðsverkefnið á fætur öðru og í júlí mun svo riðlakeppninni ljúka. Þá skýrast næstu skref fyrir íslenska landsliðið. Hvort það fari beint á EM eða taki þátt í umspili. Hvernig finnst þér liðið í stakk búið til að hefja þessa undankeppni? „Miðað við ástandið á leikmannahópnum lítur þetta bara vel út. Það er kannski bara betra fyrir okkur að það sé stutt á milli leikja eins og var til dæmis raunin síðasta haust. Það hjálpaði okkur að tíminn sem leið á milli leikja var ekki svo langur. Ég á von á því að þetta hjálpi okkur frekar en hitt. Að hafa styttra á milli leikja. Að við séum ekki að fá ryð í hópinn. Heldur að það séu bara fjórar vikur milli leikja. Ég held að það hjálpi okkur, gefi okkur betri möguleika á því að vera samstilltari í hverju verkefni fyrir sig.“
Þjóðadeild kvenna í fótbolta Landslið kvenna í fótbolta Mest lesið Látnir gista líka á æfingasvæðinu Enski boltinn Haaland klúðraði víti og City tapaði stigum Enski boltinn Í beinni: Chelsea - Fulham | Ná heimamenn að pressa á Liverpool? Enski boltinn „Ég elska NFL deildina en jóladagur er okkar“ Körfubolti Tók „erfiðustu ákvörðun ævinnar“ og fór til Valencia Fótbolti Meistarinn gæti þurft að slá út tvo nafna sína á leiðinni í úrslit Sport Fimm hlutu dóm fyrir ólætin í Amsterdam Fótbolti Dagskráin í dag: Íslandsmeistarar og fótbolti Sport 76ers sóttu sigur úr Garðinum Körfubolti Sáu ekki til sólar en unnu samt Enski boltinn Fleiri fréttir Hafa tvisvar áður mæst: „Gakpo er sem betur fer í mínu liði núna“ Í beinni: Chelsea - Fulham | Ná heimamenn að pressa á Liverpool? Í beinni: Nott. Forest - Tottenham | Spurs þarf að svara eftir skellinn Haaland klúðraði víti og City tapaði stigum Tók „erfiðustu ákvörðun ævinnar“ og fór til Valencia Látnir gista líka á æfingasvæðinu Fimm hlutu dóm fyrir ólætin í Amsterdam Botnliðin eiga von og meistararnir geta fallið Bayern heldur enn í vonina um að næla í Wirtz Coote ætlar ekki að áfrýja brottrekstrinum Amorim hissa á fólkinu í kringum Rashford Rooney og Lampard mætast í fyrsta sinn sem þjálfarar Segir slæmt gengi City ekki Haaland að kenna Liverpool sjö sinnum áður verið toppliðið um jólin Alex Iwobi bregður sér í jólasveinabúning og opnar ókeypis búð Ver jólunum í faðmi fjölskyldunnar og vonast eftir lóðasetti Músaskítur í leikhúsi draumanna Fjármálastjórinn hágrét þegar hann gekk frá uppsögninni Klopp sýndi Red Bull áhuga þegar hann var enn þjálfari Liverpool Manchester United skoðar Malasíuferð strax eftir tímabilið Tækifæri að opnast fyrir Benóný hjá Stockport Inter þremur stigum frá toppnum og með leik til góða Eftirmaður Amorim strax á útleið Svekkjandi tap hjá Alberti og félögum eftir að hafa komist yfir Landaði forstjórastarfi hjá Forest eftir að Rómverjar ruddu henni burt Nesta látinn fara eftir aðeins einn sigur í sautján leikjum Fasistakveðjur til ungs Mussolini vekja athygli Dauðþreyttur á sömu spurningum: „Fólk heldur að það sé hægt að ýta á takka“ Algjört áfall fyrir Arsenal og Saka „Ég hætti í landsliðinu þegar ég hætti í fótbolta“ Sjá meira