Fótbolti

Elías hetja Breda og Willum stóð í toppliði PSV

Sindri Sverrisson skrifar
Elías Már Ómarsson skoraði sigurmark í kvöld.
Elías Már Ómarsson skoraði sigurmark í kvöld. Getty/Marcel van Dorst

Elías Már Ómarsson tryggði liði sínu NAC Breda sigur í hollensku B-deildinni í fótbolta í kvöld. Willum Þór Willumsson var að vanda í liði Go Ahead Eagles sem mættu toppliði PSV í efstu deild Hollands.

Willum spilaði allan leikinn gegn PSV en toppliðið vann 1-0 sigur eftir mark Sergino Dest á tíundu mínútu. PSV missti Armando Obispo af velli með rautt spjald skömmu fyrir leikslok en Örnunum tókst ekki að nýta sér liðsmuninn.

PSV er því með 66 stig og tíu stiga forskot á Feyenoord á toppi deildarinnar en Go Ahead Eagles með 37 stig í 6. sæti.

Elías skoraði eina markið í sigri gegn varaliði Ajax í Amsterdam. Þetta var hans annað mark á tímabilinu. NAC Breda komst með sigrinum í 43 stig og er í 7. sæti næstefstu deildar Hollands.

Í sömu deild kom Rúnar Þór Sigurgeirsson inn á og spilaði síðustu tíu mínúturnar fyrir Willem II í 3-0 sigri gegn Eindhoven.

Hollenski boltinn

Mest lesið


Fleiri fréttir

Sjá meira


×

Mest lesið