Ráðinn nýr lög­fræðingur hjá ÖBÍ

Í tilkynningu frá ÖBÍ segir að Sigurður muni hafa yfirumsjón með ráðgjöf og réttindagæslu við fatlað fólk af erlendum uppruna, þar með talda flóttamenn og umsækjendur um alþjóðlega vernd. 

„Einnig mun Sigurður sinna lögfræðilegri ráðgjöf við forystu ÖBÍ auk almennrar ráðgjafar við einstaklinga og réttindagæslu fatlaðs fólks.

Sigurður hefur ML gráðu í lögfræði auk þess að hafa hlotið lögmannsréttindi. Sigurður hefur áralanga reynslu af störfum á sviðum alþjóðlegrar verndar og útlendingamála. Hann hefur til langs tíma sinnt skipunum sem talsmaður umsækjenda um alþjóðlega vernd sem lögfræðingur hjá Rauða krossinum á Íslandi og sem sjálfstætt starfandi lögmaður. Einnig hefur Sigurður tekið þátt í ýmsu málefnastarfi á fyrrnefndum sviðum á innlendum og erlendum vettvangi,“ segir í tilkynningunni.