Bergur og Inga Lóa selja eitt glæsi­legasta hús Garða­bæjar

Bergur og Inga Lóa stofnuðu Kírópraktorstöðina árið 1995 að loknu námi í Bandaríkjunum. 

Húsið sem um ræðir er staðsett á fallegum útsýnisstað í Garðabænum og teiknað af Kjartani Sveinssyni árið 1992 en hefur verið endurnýjað töluvert frá þeim tíma. Hjónin festu kaup á eigninni árið 1999.

Eignin telur 310 fermetra og er á tveimur hæðum. Samtals eru fimm svefnherbergi og þrjú baðherbergi. 

Á aðalhæð er gengið inn í stórar og bjartar stofur með útgengi á suð- vestursvali. Á gólfum er gegnheilt eikarparket í fiskabeinamynstri. Í eldhúsi er vegleg viðarinnrétting með góðu skápaplássi og stein á borðum. 

Heimili hjónanna er umvafið einstakri hönnun þar sem listaverk og klassískir hönnunarmunir prýða hvern krók og kima.

Hjónasvítan á neðri hæðinni er hlýlega innréttuð búin Bose hljómtækjum og hátölurum sem fylgja með í kaupunum.

Umhverfis húsið er afgirtur og gróinn garður með verönd úr jatobvið ásamt stórum heitum potti. 

Nánari upplýsingar má nálgast á fasteignavef Vísis.