Ölfus­ár­brú opnuð á ný eftir harðan aftanáakstur

Garðar Már Garðarsson aðalvarðstjóri hjá Lögreglunni á Suðurlandi segir áreksturinn hafa verið harðan. Bílarnir séu illa farnir en sem betur fer sé enginn talinn alvarlega slasaður.

Miklar tafir eru á umferð í báðar áttir enda engin önnur leið yfir Ölfusána nema ekin sé töluverð vegalengd inn í sveitir. Garðar Már segir Vegagerðina hafa verið upplýsta um að gera þyrfti við vegrið á brúnni áður en hægt verði að hleypa umferð á hana á nýjan leik.

Uppfært: 14:08

Uppúr hádegi í dag var brúin opnuð á ný eftir að bílarnir höfðu verið fjarlægðir. Gert var við skemmd á vegriði brúarinnar.