Bjart­viðri á verkalýðsdaginn

Norðaustanlands verður skýjað fram yfir hádegi. Síðdegis í dag verður suðlæg átt, 3-8 m/s vestanlands. Hiti 3 til 10 stig yfir daginn, að því er fram kemur á vef Veðurstofunnar.

Á höfuborgarsvæði segir að búast megi við hægri breytilegri átt, og bjart með köflum, en sunnan 3-8 m/s og dálítil rigning á morgun. Hiti 5 til 9 stig að deginum.

Á morgun verður sunnan og suðvestan 5-13 m/s, hvassast við fjöll á Vesturlandi. Dálítil rigning á sunnan- og vestanverðu landinu en bjart að mestu norðaustantil. Hiti 6 til 11 stig.

Veðurhorfur á landinu næstu daga

Á fimmtudag:

Suðlæg eða breytileg átt 3-8 m/s. Skýjað með köflum og dálítil rigning vestanlands. Bjart að mestu um austanvert landið en líkur á þokulofti við sjávarsíðuna. Hiti 1 til 9 stig.

Á föstudag:

Suðaustlæg átt 5-13 m/s, hvassast við suðurströndini. Víða rigning eða súld en einnig slydda norðaustantil. Hiti 2 til 9 stig.

Á laugardag:

Austlæg eða breytileg átt 5-13 m/s og rigning eða súld með köflum, einkum vestanlands. Hiti 6 til 11 stig.

Á sunnudag og mánudag:

Suðaustlæg átt og dálítil rigning, en úrkomulítið á Norðurlandi. Hiti 4 til 14 stig, svalast austanlands.

Á þriðjudag:

Útlit fyrir breytilega átt og rigningu, einkum sunnantil.