Glæsileg dagskrá á Þjónustudegi Toyota á laugardag

Toyota á Íslandi 10. maí 2024 10:12

Árlegur Þjónustudagur Toyota verður haldinn á morgun laugardag. Boðið verður upp á fjölbreytta skemmtidagskrá og veitingar. Um 200 manns koma að skipulagningu og vinnu á Þjónustudeginum, þar af um 120 hressir starfsmenn Toyota á Íslandi.

Þjónustudagur Toyota er hátíðisdagur starfsfólks Toyota en dagurinn er haldinn á morgun, laugardaginn 11. maí.

Þá fær starfsfólkið tækifæri til að þakka viðskiptavinum traustið en á hverjum degi treysta þeir starfsfólki Toyota fyrir bílunum sínum sem það þjónustar í skoðunum og smurningu, bílaréttingum og viðgerðum, þrifum og ýmsu fleira.

„Það verður mikið um dýrðir hjá okkur á morgun í Kauptúni í Garðabæ,“ segir Bjartur Máni Sigurðsson, markaðsstjóri Toyota Kauptúni.

Bjartur Máni Sigurðsson, markaðsstjóri Toyota Kauptúni, hefur staðið í ströngu undanfarna daga ásamt öðru starfsfólki Toyota við að undirbúa Þjónustudag Toyota sem verður haldinn á morgun laugardag.

„Við munum meðal annars setja upp eina stærstu þvottastöð í heimi þar sem við munum þrífa og dekra við bílana á meðan fjölskyldan skemmtir sér. Meðal skemmtiatriða má nefna persónur úr leikritinu Bangsímon með Leikhópnum Lottu, DJ Dóru Júlíu, Jón Jónsson og Friðrik Dór sem munu svo sannarlega halda uppi fjörinu.

DJ Dóra Júlía og fleiri góðir listamenn koma fram.

Einnig ætlum við að grilla pylsur, gefa sumargjafir, hlusta á góða tónlist og hafa bara almennt gaman. K100 - FM 100,5 mun fylgjast með stuðinu hjá okkur og um að gera að stilla á þau á morgun.“

Það verður tekið vel á móti gestum á öllum aldri.

Það eru um 200 manns sem taka þátt í deginum að sögn Bjarts. „Hópurinn inniheldur um 120 starfsmenn Toyota og svo höfum við fengið íþróttafélög til að leggja okkur lið í þvottastöðinni. Við áætlum að þrífa 800-1000 Toyota og Lexus bíla. Hver sem er má koma og taka þátt í fjörinu með okkur en eingöngu Toyota og Lexus bílar eru þrifnir. Ég vil því hvetja sem flesta Toyota og Lexus eigendur til þess að koma og leyfa okkur að dekra við bílana þeirra en aðalatriðið er auðvitað að koma, njóta og hafa gaman.“

Bílar Fjölskyldumál