Fótbolti

Emilía skoraði er Nordsjælland varði bikarmeistaratitilinn

Ágúst Orri Arnarson skrifar
Emilía Kiær Ásgeirsdóttir hefur verið einn besti leikmaður liðsins á tímabilinu.
Emilía Kiær Ásgeirsdóttir hefur verið einn besti leikmaður liðsins á tímabilinu. FC Nordsjælland

Nordsjælland varð bikarmeistari Danmerkur eftir 2-1 sigur gegn Brøndby IF í úrslitaleik í dag. Leikurinn var sannkallaður Íslendingaslagur og landsliðskonan Emilía Kiær Ásgeirsdóttir skoraði fyrra mark Nordsjælland.

Hafrún Rakel Halldórsdóttir var í byrjunarliði Brøndby en Kristín Dís Árnadóttir á bekknum.

Eftir markalausan fyrri hálfleik tók Nordsjælland tveggja marka forystu í seinni hálfleik. Emilía Kiær braut ísinn á 58. mínútu og Alma Aagard bætti svo við á 72. mínútu.

Brøndby minnkaði muninn sex mínútum síðar en tókst ekki að setja jöfnunarmarkið og horfði á eftir bikarmeistaratitlinum til Nordsjælland.

Brøndby IF er sigursælasta félag Danmerkur í bikarkeppninni með 11 titla en liðið hefur núna tapað þremur úrslitaleikjum í röð frá árinu 2019.

Nordsjælland er bikarmeistari annað árið í röð og í þriðja sinn frá upphafi. Titlarnir unnust 2020, 2023 og 2024. 

Danski boltinn

Mest lesið


Fleiri fréttir

Sjá meira


×

Mest lesið