Hólmbert fylgir Holsten Kiel ekki upp í úrvalsdeildina

Hólmbert gekk í raðir Holsten Kiel frá Brescia á Ítalíu fyrir þremur árum. Hann var lánaður til Lilleström í Noregi 2022.

Á síðasta tímabili lék Hólmbert fjórtán leiki með Holsten Kiel í þýsku B-deildinni og skoraði eitt mark. Holsten Kiel endaði í 2. sæti og tryggði sér þar með sæti í þýsku úrvalsdeildinni. Alls lék Hólmbert 29 leiki fyrir Holsten Kiel og skoraði fimm mörk.

Hólmbert, sem er 31 árs, hefur komið víða við á ferlinum. Hér heima lék hann með HK, Fram, KR og Stjörnunni og erlendis hefur hann leikið með Holsten Kiel, Lilleström, Brescia, Celtic, Bröndby og Álasundi.

Hólmbert hefur spilað sex A-landsleiki og skorað tvö mörk.