Fá svæði á líkama þar sem voru engir áverkar Tómas Arnar Þorláksson skrifar 28. júní 2024 16:00 Atvikið átti sér stað í Bátavogi í Reykjavík. Vísir/Vilhelm Út frá niðurstöðu krufningar í Bátavogsmálinu svokallaða lést brotaþoli vegna köfnunar sökum utanaðkomandi þrýstings á öndunarveg. Alvarlegir áverkar voru á hálsi en sem dæmi er hægt að nefna blæðingar í hálsvöðvanum, brot á tungubeini, hringbrjóskinu og öllum barkanum. Þetta staðfestir réttarlæknir sem framkvæmdi krufningu á líki mannsins sem lést í Bátavogi í september á síðasta ár. Réttarlæknirinn kom fyrir Héraðsdóm Reykjavíkur í dag í skýrslutöku. Maðurinn var á sextugsaldri en Dagbjört Rúnarsdóttir er grunuð um að hafa orðið honum að bana. Í dag er síðasti dagur í aðalmeðferð málsins en líklegast mun dómur falla í málinu fyrir sumarlokun dómsins í lok júlí. Dagbjört, sem er 43 ára, hefur setið í varðhaldi frá því að málið kom upp. Fingur mannsins skakkir og skældir Réttarlæknirinn tók fram fyrir dómstólnum að í raun væru fá svæði á líkama brotaþola þar sem ekki væru áverkar. Hann sagði áverkanna umtalsverða og fjölmarga en að maðurinn hafi hlotið þá á skömmum tíma. Hann segir varðandi alvarlegustu áverkanna að nær ómögulegt sé að þeir hafi komið til fyrir slysni mannsins. Í málinu liggur fyrir að maðurinn hafi fallið ítrekað sökum mikillar áfengisdrykkju en hægt er að útiloka að maðurinn hafi látist vegna þessa. Mikil áfengisnotkun hafi ekki haft áhrif en réttarlæknirinn tók fram að lifur mannsins hafi þolað drykkjuna nokkuð vel. Sem dæmi um áverka nefndi hann að tveir fingur á hægri hendi og fjórir fingur á vinstri hendi mannsins voru brotnir. Áverkar á fingrum séu of flóknir til að þeir hefðu getað komið fram vegna falls eða slyss. En að hans sögn voru fingurnir skakkir og skældir. Áverkarnir bendi til að fingurnir hafi verið neyddir með afli í óeðlilega stöðu. Aðrir áverkar voru á baki, herðum, öxlum, kynfærum, geirvörtum, brjósti, nára og læri. Áverkar á kynfærum og geirvörtum Hann segir að erfitt sé að meta hvað veldur áverkum á geirvörtum og kynfærum og að um mjög afmörkuð svæði sé að ræða. Geirvörturnar voru skrámaðar en einnig voru litlir marblettir á brjóstkassanum sem benda til þess að einhvers konar afli hafi verið beitt og að maðurinn hafi ekki gert sjálfum sér þetta. Um kynfærin voru blæðingar og bjúgur en áverkarnir voru ansi staðbundnir við getnaðarlim mannsins. Líklegast þykir að áverkanir hafi komið til vegna þrýstings, togs eða snúnings. Sömu sögu er að segja um nárasvæði mannsins. Blæðingar í vöðvum á ýmsum stöðum Í baki mannsins voru nokkuð drjúgar blæðingar en réttarlæknirinn tók fram að ekki væri um innvortisblæðingar í kviðarholi eða brjóstholi að ræða heldur blæðingar í vöðvum mannsins. Blæðingar voru í herðum, öxlum, baki og læri. Hann sagði blæðingarnar komnar til vegna sljós krafts sem hefur komið til í formi höggs eða þrýstings og endurtekið af þó nokkrum ákafa. Vöðvi á axlasvæðinu var kraminn eftir átökin. Áverkarnir á læri gætu hafa komið til vegna sparks, höggs eða falls á útistandandi og harðan hlut. „Við erum með skrámur og marbletti á háls og andliti og kjálka. Þetta virðist öllu svæsnara þegar maður kemur á dýpið,“ sagði hann. Áverkar voru á neðri og efti vör, skráma í munni en ekki var að sjá marga áverka á hálsi á yfirborðinu. Þarf talsverðan kraft til að brjóta bein í hálsi Inni í hálsinum leyndust umtalsverðir áverkar en talsverðan kraft þarf til að brjóta tungubein og hringbrjósk í hálsi. Réttarlæknirinn tekur fram að ekki sé um eina atlögu að ræða heldur nokkrar yfir stuttan tíma. „Áverkar á andliti, hálsi og brjóstinu hlutust af margþættum áverkum og flóknum úr öllum áttum á mismunandi tímum.“ Einnig voru nokkur ummerki eftir endurlífgun. Meðal annars var skráma á brjósti og brot framanvert á nokkrum rifbeinum mannsins. Mannslát til rannsóknar í Bátavogi Lögreglumál Mest lesið Einn fluttur á Landspítalann frá Fjallabaki Innlent Möguleg slit á fríverslunarsamningi við Ísrael tekin fyrir Innlent Þyrlan kölluð út á mesta forgangi Innlent Syrgja fallið kornabarn: „Það er ekkert plan, engin lausn“ Innlent Engin slys á fólki þegar hjólhýsi valt Innlent Ákærðir fyrir hópnauðgun gegn ólögráða stúlku Innlent Aðsetur ríkisstjórnarinnar logar eftir árásir næturinnar Erlent Vilja skylda samskiptaforrit til að skanna einkaskilaboð fólks Erlent Hringveginum lokað vegna umferðarslyss Innlent Labubu bangsar ekki lengur velkomnir í Ísaksskóla Innlent Fleiri fréttir „Mjög miður að við séum komin á þennan stað“ Gleði og samvera í 60 plús leikfimi á Selfossi Syrgja fallið kornabarn: „Það er ekkert plan, engin lausn“ Engin slys á fólki þegar hjólhýsi valt Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Sjá meira
Þetta staðfestir réttarlæknir sem framkvæmdi krufningu á líki mannsins sem lést í Bátavogi í september á síðasta ár. Réttarlæknirinn kom fyrir Héraðsdóm Reykjavíkur í dag í skýrslutöku. Maðurinn var á sextugsaldri en Dagbjört Rúnarsdóttir er grunuð um að hafa orðið honum að bana. Í dag er síðasti dagur í aðalmeðferð málsins en líklegast mun dómur falla í málinu fyrir sumarlokun dómsins í lok júlí. Dagbjört, sem er 43 ára, hefur setið í varðhaldi frá því að málið kom upp. Fingur mannsins skakkir og skældir Réttarlæknirinn tók fram fyrir dómstólnum að í raun væru fá svæði á líkama brotaþola þar sem ekki væru áverkar. Hann sagði áverkanna umtalsverða og fjölmarga en að maðurinn hafi hlotið þá á skömmum tíma. Hann segir varðandi alvarlegustu áverkanna að nær ómögulegt sé að þeir hafi komið til fyrir slysni mannsins. Í málinu liggur fyrir að maðurinn hafi fallið ítrekað sökum mikillar áfengisdrykkju en hægt er að útiloka að maðurinn hafi látist vegna þessa. Mikil áfengisnotkun hafi ekki haft áhrif en réttarlæknirinn tók fram að lifur mannsins hafi þolað drykkjuna nokkuð vel. Sem dæmi um áverka nefndi hann að tveir fingur á hægri hendi og fjórir fingur á vinstri hendi mannsins voru brotnir. Áverkar á fingrum séu of flóknir til að þeir hefðu getað komið fram vegna falls eða slyss. En að hans sögn voru fingurnir skakkir og skældir. Áverkarnir bendi til að fingurnir hafi verið neyddir með afli í óeðlilega stöðu. Aðrir áverkar voru á baki, herðum, öxlum, kynfærum, geirvörtum, brjósti, nára og læri. Áverkar á kynfærum og geirvörtum Hann segir að erfitt sé að meta hvað veldur áverkum á geirvörtum og kynfærum og að um mjög afmörkuð svæði sé að ræða. Geirvörturnar voru skrámaðar en einnig voru litlir marblettir á brjóstkassanum sem benda til þess að einhvers konar afli hafi verið beitt og að maðurinn hafi ekki gert sjálfum sér þetta. Um kynfærin voru blæðingar og bjúgur en áverkarnir voru ansi staðbundnir við getnaðarlim mannsins. Líklegast þykir að áverkanir hafi komið til vegna þrýstings, togs eða snúnings. Sömu sögu er að segja um nárasvæði mannsins. Blæðingar í vöðvum á ýmsum stöðum Í baki mannsins voru nokkuð drjúgar blæðingar en réttarlæknirinn tók fram að ekki væri um innvortisblæðingar í kviðarholi eða brjóstholi að ræða heldur blæðingar í vöðvum mannsins. Blæðingar voru í herðum, öxlum, baki og læri. Hann sagði blæðingarnar komnar til vegna sljós krafts sem hefur komið til í formi höggs eða þrýstings og endurtekið af þó nokkrum ákafa. Vöðvi á axlasvæðinu var kraminn eftir átökin. Áverkarnir á læri gætu hafa komið til vegna sparks, höggs eða falls á útistandandi og harðan hlut. „Við erum með skrámur og marbletti á háls og andliti og kjálka. Þetta virðist öllu svæsnara þegar maður kemur á dýpið,“ sagði hann. Áverkar voru á neðri og efti vör, skráma í munni en ekki var að sjá marga áverka á hálsi á yfirborðinu. Þarf talsverðan kraft til að brjóta bein í hálsi Inni í hálsinum leyndust umtalsverðir áverkar en talsverðan kraft þarf til að brjóta tungubein og hringbrjósk í hálsi. Réttarlæknirinn tekur fram að ekki sé um eina atlögu að ræða heldur nokkrar yfir stuttan tíma. „Áverkar á andliti, hálsi og brjóstinu hlutust af margþættum áverkum og flóknum úr öllum áttum á mismunandi tímum.“ Einnig voru nokkur ummerki eftir endurlífgun. Meðal annars var skráma á brjósti og brot framanvert á nokkrum rifbeinum mannsins.
Mannslát til rannsóknar í Bátavogi Lögreglumál Mest lesið Einn fluttur á Landspítalann frá Fjallabaki Innlent Möguleg slit á fríverslunarsamningi við Ísrael tekin fyrir Innlent Þyrlan kölluð út á mesta forgangi Innlent Syrgja fallið kornabarn: „Það er ekkert plan, engin lausn“ Innlent Engin slys á fólki þegar hjólhýsi valt Innlent Ákærðir fyrir hópnauðgun gegn ólögráða stúlku Innlent Aðsetur ríkisstjórnarinnar logar eftir árásir næturinnar Erlent Vilja skylda samskiptaforrit til að skanna einkaskilaboð fólks Erlent Hringveginum lokað vegna umferðarslyss Innlent Labubu bangsar ekki lengur velkomnir í Ísaksskóla Innlent Fleiri fréttir „Mjög miður að við séum komin á þennan stað“ Gleði og samvera í 60 plús leikfimi á Selfossi Syrgja fallið kornabarn: „Það er ekkert plan, engin lausn“ Engin slys á fólki þegar hjólhýsi valt Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Sjá meira