„Ég mun ekki taka þátt í prófkjöri aftur“ Jón Ísak Ragnarsson skrifar 30. júní 2024 11:31 Brynjar mun ekki taka þátt í næsta prófkjöri Sjálfstæðisflokksins. Hann segir að ríkisstjórnarsamstarfið sé að kosta Sjálfstæðisflokkinn of mikið fylgi. Flokkurinn hafi gefið of mikið eftir og sé alltaf að „hörfa og tipla á tánum í kringum frekjuna“. Vísir/Vilhelm „Ég mun ekki taka þátt í prófkjöri aftur, get bara sagt fólki það,“ sagði Brynjar Níelsson fyrrverandi þingmaður Sjálfstæðisflokksins. Þá sagði hann að smáflokkur í ríkisstjórnarsamstarfinu, Vinstri græn, hefði alltof mikil áhrif, og að íslenska stjórnmálamenn vanti þrek og kjark til að gera eitthvað, vitandi það að fullt af fólki muni garga á þau. Brynjar var viðmælandi dagsins hjá Þórarni Hjartarsyni í þætti dagsins í hlaðvarpinu Ein pæling, þar sem farið var meðal annars yfir stöðuna í stjórnmálunum hér á landi og í Evrópu, útlendingamál, nýju Samfylkinguna og ríkisstjórnarsamstarfið. Flóttamannavandinn verði ekki leystur með því að hleypa öllum að „Við þurfum að leysa flóttamannavandann, öðruvísi en bara að taka við fólki alls staðar að, þar sem er eitthvað vesen. Við þurfum að leysa vandann á heimavelli. Við getum ekki bara skipt um þjóðir í Evrópu sí svona,“ segir Brynjar. Sumt fólkið fyrirlíti jafnvel vestrænt lýðræði og muni aldrei passa inn í evrópsk samfélög. Viktor Orbán er forsætisráðherra Ungverjalands. Útlendingalöggjöfin í Ungverjalandi er með þeim hörðustu í Evrópu.AP/Geert Vanden Wijngaert Hann segir Íslendinga í grunninn vitlausari en Ungverjar þegar kemur að flóttamannavandanum. „Þú getur kallað það harkalegt, en bara þeir ætla bara ekki að taka á sig þennan vanda. Þeir segja bara við höfum enga heimild til þess gagnvart okkar þjóð, að taka á okkur vanda heimsins,“ segir Brynjar. Sjálfstæðismenn í samstarfi og geti ekki tjáð sig eins og Miðflokkur Bynjar segist ekki vita það, hvað sé til ráða til að koma í veg fyrir að Miðflokkurinn „rasskelli Sjálfstæðisflokkinn“ í næstu kosningum. Hann segir marga Sjálfstæðismenn ánægða með málflutning Miðflokksins að mörgu leyti. „Vandinn er að Sjálfstæðismenn eru í samstarfi, það er vandamálið. Sjálfstæðismenn geta bara því miður ekki tjáð sig eins og Sigmundur gerir. Annars eru þeir sammála að mörgu leyti,“ segir Brynjar. Flokkurinn gefi annars of mikið eftir í samstarfinu, og sé alltaf að „hörfa og tipla á tánum í kringum frekjuna.“ „Við fórum í þessa vegferð, og hún gerir marga Sjálfstæðismenn óánægða, eðlilega.“ Samstarfið hafi kostað flokkinn fylgi, þrátt fyrir þann árangur sem náðst hefur síðusta áratuginn sem flokkurinn hefur verið í ríkisstjórn. Vinstri græn beri af öðrum vinstri mönnum Brynjar segir VG til hróss, hversu vel hafi verið hægt að vinna með þeim í ríkisstjórninni 2017-2021. Þau hafi verið yfirburðarfólk af vinstri vængnum. Það hefði verið vel hægt að vinna með þeim, þau hefðu haft góðan skilning á málunum. Þau væru bara of vinstri sinnuð. „Miðað við aðra vinstri flokka fannst mér þau bera af,“ segir Brynjar. Hann skilji því ekki af hverju fylgið þeirra er komið niður í 3,3 prósent á meðan til dæmis Píratar eru í níu prósentunum, svo ekki sé talað um fylgi Samfylkingarinnar, sem hann segir flokk í fullkominni upplausn. „Kristrún er auðvitað að gera tilraun til að breyta flokknum, en það er ótrúlegt sundurlindi þarna og maður veit ekkert hvernig það endar,“ segir Brynjar. Brynjar segir að Samfylkingin sé flokkur í fulkominni upplausn. Hann telur að heilmikil átök verði á næsta landsfundi flokksins. Margir flokksmenn muni mótmæla nýjum áherslum flokksins í t.d. útlendingamálum.Vísir/Vilhelm Samfylkingin megi vera fegin við að losna við fólk í flokknum sem hefur verið mest „woke“ eða lengst til vinstri, fólk sem hefur verið að týnast úr flokknum upp á síðkastið. „En málið er bara það, að það er fullt af fólki sem ætlar bara ekkert að fara. Fólk sem ætlar að djöflast í þessu. Ég á eftir að sjá Þórunni Sveinbjarnar, Oddnýu Harðardóttur, Helgu Völu og þetta fólk fara,“ segir Brynjar. Hann telur að þetta fólk muni djöflast mikið á næsta landsfundi Samfylkingarinnar, og þar verði heilmikil átök. Hann vonar þó að Kristrún hafi styrk og afl til að breyta Samfylkingunni, sem hafi verið algjörlega komin í kör. Ríkisstjórn Bjarna Benediktssonar Sjálfstæðisflokkurinn Flóttafólk á Íslandi Mest lesið Segir 60 mínútur hafa misst sjálfstæðið og hættir Erlent Sagður bjóða frið fyrir formlega eign á Krímskaga Erlent Beint flug milli Akureyrar og útlanda aldrei verið meira Innlent Óþarfi að nota kauðslega þýdda málshætti í páskaeggin Innlent Valdatafl í Vatíkaninu: Hver verður næsti páfi? Erlent Segir líklega langt í næsta gos við Sundhnúka Innlent Oscar þori varla út úr húsi af ótta við að vera sendur úr landi Innlent „Ég er mannleg“ Innlent Banað af hákörlum þar sem fólk hefur lengi synt með þeim Erlent Barn á óskoðuðum bíl á 151 kílómetra hraða Innlent Fleiri fréttir Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Sjá meira
Brynjar var viðmælandi dagsins hjá Þórarni Hjartarsyni í þætti dagsins í hlaðvarpinu Ein pæling, þar sem farið var meðal annars yfir stöðuna í stjórnmálunum hér á landi og í Evrópu, útlendingamál, nýju Samfylkinguna og ríkisstjórnarsamstarfið. Flóttamannavandinn verði ekki leystur með því að hleypa öllum að „Við þurfum að leysa flóttamannavandann, öðruvísi en bara að taka við fólki alls staðar að, þar sem er eitthvað vesen. Við þurfum að leysa vandann á heimavelli. Við getum ekki bara skipt um þjóðir í Evrópu sí svona,“ segir Brynjar. Sumt fólkið fyrirlíti jafnvel vestrænt lýðræði og muni aldrei passa inn í evrópsk samfélög. Viktor Orbán er forsætisráðherra Ungverjalands. Útlendingalöggjöfin í Ungverjalandi er með þeim hörðustu í Evrópu.AP/Geert Vanden Wijngaert Hann segir Íslendinga í grunninn vitlausari en Ungverjar þegar kemur að flóttamannavandanum. „Þú getur kallað það harkalegt, en bara þeir ætla bara ekki að taka á sig þennan vanda. Þeir segja bara við höfum enga heimild til þess gagnvart okkar þjóð, að taka á okkur vanda heimsins,“ segir Brynjar. Sjálfstæðismenn í samstarfi og geti ekki tjáð sig eins og Miðflokkur Bynjar segist ekki vita það, hvað sé til ráða til að koma í veg fyrir að Miðflokkurinn „rasskelli Sjálfstæðisflokkinn“ í næstu kosningum. Hann segir marga Sjálfstæðismenn ánægða með málflutning Miðflokksins að mörgu leyti. „Vandinn er að Sjálfstæðismenn eru í samstarfi, það er vandamálið. Sjálfstæðismenn geta bara því miður ekki tjáð sig eins og Sigmundur gerir. Annars eru þeir sammála að mörgu leyti,“ segir Brynjar. Flokkurinn gefi annars of mikið eftir í samstarfinu, og sé alltaf að „hörfa og tipla á tánum í kringum frekjuna.“ „Við fórum í þessa vegferð, og hún gerir marga Sjálfstæðismenn óánægða, eðlilega.“ Samstarfið hafi kostað flokkinn fylgi, þrátt fyrir þann árangur sem náðst hefur síðusta áratuginn sem flokkurinn hefur verið í ríkisstjórn. Vinstri græn beri af öðrum vinstri mönnum Brynjar segir VG til hróss, hversu vel hafi verið hægt að vinna með þeim í ríkisstjórninni 2017-2021. Þau hafi verið yfirburðarfólk af vinstri vængnum. Það hefði verið vel hægt að vinna með þeim, þau hefðu haft góðan skilning á málunum. Þau væru bara of vinstri sinnuð. „Miðað við aðra vinstri flokka fannst mér þau bera af,“ segir Brynjar. Hann skilji því ekki af hverju fylgið þeirra er komið niður í 3,3 prósent á meðan til dæmis Píratar eru í níu prósentunum, svo ekki sé talað um fylgi Samfylkingarinnar, sem hann segir flokk í fullkominni upplausn. „Kristrún er auðvitað að gera tilraun til að breyta flokknum, en það er ótrúlegt sundurlindi þarna og maður veit ekkert hvernig það endar,“ segir Brynjar. Brynjar segir að Samfylkingin sé flokkur í fulkominni upplausn. Hann telur að heilmikil átök verði á næsta landsfundi flokksins. Margir flokksmenn muni mótmæla nýjum áherslum flokksins í t.d. útlendingamálum.Vísir/Vilhelm Samfylkingin megi vera fegin við að losna við fólk í flokknum sem hefur verið mest „woke“ eða lengst til vinstri, fólk sem hefur verið að týnast úr flokknum upp á síðkastið. „En málið er bara það, að það er fullt af fólki sem ætlar bara ekkert að fara. Fólk sem ætlar að djöflast í þessu. Ég á eftir að sjá Þórunni Sveinbjarnar, Oddnýu Harðardóttur, Helgu Völu og þetta fólk fara,“ segir Brynjar. Hann telur að þetta fólk muni djöflast mikið á næsta landsfundi Samfylkingarinnar, og þar verði heilmikil átök. Hann vonar þó að Kristrún hafi styrk og afl til að breyta Samfylkingunni, sem hafi verið algjörlega komin í kör.
Ríkisstjórn Bjarna Benediktssonar Sjálfstæðisflokkurinn Flóttafólk á Íslandi Mest lesið Segir 60 mínútur hafa misst sjálfstæðið og hættir Erlent Sagður bjóða frið fyrir formlega eign á Krímskaga Erlent Beint flug milli Akureyrar og útlanda aldrei verið meira Innlent Óþarfi að nota kauðslega þýdda málshætti í páskaeggin Innlent Valdatafl í Vatíkaninu: Hver verður næsti páfi? Erlent Segir líklega langt í næsta gos við Sundhnúka Innlent Oscar þori varla út úr húsi af ótta við að vera sendur úr landi Innlent „Ég er mannleg“ Innlent Banað af hákörlum þar sem fólk hefur lengi synt með þeim Erlent Barn á óskoðuðum bíl á 151 kílómetra hraða Innlent Fleiri fréttir Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Sjá meira