Bylgjulestin verður í beinni frá Akureyri

Bylgjulestin 5. júlí 2024 14:11

Það er alltaf stuð þar sem Bylgjulestin stoppar

Höfuðstaður Norðurlands iðar nú af lífi og við ætlum ekki að missa af því. Bylgjulestin brunar því norður til Akureyrar þar sem Pollamótið og N1 mótið eru í fullum gangi.

Mikið verður um að vera við Hamar, Félagsheimil Þórs á laugardaginn en þar mun Bylgjulestin koma sér fyrir. Þau Kristín Ruth og Svali eru spennt fyrir helginni. Þau fá til sín góða gest í spjall og taka stöðuna á stemmingunni.

Hoppukastalar verða á svæðinu, hægt að grípa í pílu og körfubolta og DJ. Dóra Júlía verður með blússandi stuð á stóra sviðinu.

Fótboltinn verður allsráðandi í bænum eins og gefur að skilja og Kristín og Svali munu meðal annars reyna að ná í skottið á leikmönnum milli leikja. Fjölbreytt dagskrá er í boði fyrir alla fjölskylduna enda er Akureyri ávallt skemmtilegur staður að heimsækja.

Kristín Ruth var að sjálfssögðu í upphlut þegar Bylgjulestin stoppaði á Þingvöllum fyrr í sumar. Mynd/Hulda Margrét

Svali stendur vaktina um helgina ásamt Kristínu Ruth í Bylgjulestinni

Kíktu við og taktu þátt í fjörinu! Gríptu með þér hollustubita frá MUNA, skoðaðu glæsilega bíla frá bílaumboðinu Öskju, svalaðu þorstanum með Appelsíni án sykurs, gæddu þér á góðgæti frá Nóa Síríus og sláðu í gegn um land allt með Golfsambandi Íslands og Bylgjulestinni.

Næstu stopp Bylgjulestarinnar:

6. júlí – Akureyri

13. júlí – Selfoss

20. júlí – Hljómskálagarðurinn í Reykjavík

27. júlí - Hafnarfjörður

Bylgjan Bylgjulestin