Ísraelar í hefndaraðgerðum gegn Hezbollah í Líbanon

Háir hvellir heyrðust í líbönsku höfuðborginni um klukkan átta að staðartíma og reyk lagði yfir borgina frá úthverfinu sem flugskeyti hæfðu. Ísraelski herinn segir að háttsettir meðlimir Hezbollah hafi lagt úthverfið undir sig.

Yfirvöld í Líbanon gerðu ráð fyrir loftárásum sem viðbragð við fyrrnefndri loftárás Hezbollah í Golan-hæðum. Bæði ísralesk og bandarísk yfirvöld lýstu því yfir að Hezbollah bæru ábyrgð á árásinni. Þeim ásökunum hafa Hezbollah-samtökin hafnað. 

Bandarísk yfirvöld hafa undanfarnar vikur gert diplómatískar tilraunir til að beina Ísrael frá því gera loftárásir í Líbanon. Með þeim árásum er óttast að átökin á svæðinu stigmagnist. Netanjahú forsætisráðherra Ísrael hafði hins vegar heitið „hörðu“ viðbragði við árásinni, auk þess sem pólitískur þrýstingur hafði myndast gagnvart ísraelskum stjórvöldum um að bregðast harkalega við.