Aurskriðuhætta og allt að fjörutíu metrar á sekúndu í hviðum Elín Margrét Böðvarsdóttir skrifar 4. ágúst 2024 13:56 Skjáskot af vef Veðurstofunnar af þeim gulu viðvörunum sem eru í gildi í dag og í kvöld. Veðurstofa Íslands Gular veðurviðvaranir ganga í gildi víða á Suður- og Austurlandi síðdegis í dag og í kvöld. Búist er við norðaustan hvassviðri eða storm syðst á landinu síðdegis með snörpum vindhviðum við fjöll. Einar Sveinbjörnsson veðurfræðingur hvetur ferðalanga til að fylgjast vel með veðri og aðstæðum áður en lagt er af stað. Þá er búist er við úrhellis rigningu á Suðausturlandi og Austfjörðum á morgun með tilheyrandi skriðuhættu. Sumarið hefur verið mjög blautt og jarðvegur víða mettaður sem eykur lýkur á skriðuföllum að sögn sérfræðings. „Það er að koma annar stengur, vindstrengur, austnorðaustan upp að Suður- og Suðausturlandi og það kemur til með að hvessa á því svæði frá Eyjafjöllum og eitthvað austur fyrir Höfn. Við þekkjum þessa hviðustaði, hann er byrjaður aðeins að belgja sig í Öræfunum og það verða hviður 30-40 metrar á sekúndu, má reikna með þeim sérstaklega við Svínafell, Freysnes og Skaftafell frá því um hádegi og fram á kvöld,“ segir Einar. Að sama skapi séu þekktir hviðustaðir í kringum Reynisfjall og í Mýrdal í þessari vindátt. Þar geti einnig verið varhugavert að vera á ferðinni. „Á þessum stöðum verður þetta gengið yfir austur í Öræfum einhvern tímann fyrir miðnætti en ekki fyrr en í nótt undir Eyjafjöllum, þannig það fer í þetta lunginn úr deginum og kvöldinu,“ segir Einar. Á vef Veðurstofunnar segir að tjöld geti fokið og fólk er hvatt til að huga að lausamunum. Aðstæður eru einnig sagðar varasamar fyrir ökutæki sem taka á sig mikinn vind. Þá eru líkur á talsverðri eða mikilli úrkomu um tíma í Vestmannaeyjum í kvöld. Jarðvegur vel mettaður eftir blautt sumar Unnur Blær A. Bartsch skriðusérfræðingur á vakt hjá Veðurstofu Íslands, segir að hætta sé á skriðuföllum vegna vætuveðurs næstu daga vegna mikillar úrkomu. „Það eru tvö úrkomuskot að koma. Fyrsta kemur í kvöld og nótt og það seinna kemur eftir hádegi á morgun ef að spárnar sem við erum að miða við ganga eftir. Þá er þetta aðallega að leggjast yfir Strandir, en þar féll skriða á föstudagsmorgun,“ segir Unnur. „Síðan eru það Austfirðir og Suðausturland, þetta nær alveg frá Mjóafirði og niður að Öræfum þetta stóra úrkomusvæði og þetta er auðvitað bara svæði sem að við vitum að það falla oft skriður.“ Landið þoli töluvert mikla úrkomu og taki lengi við. „En þetta er bara búið að vera svo blautt sumar og jarðvegur er víða mettaður þannig það er ekkert hægt að útiloka að það falli skriður,“ segir Unnur. Hún hvetur fólk að vera á varðbergi á þekktum skriðusvæðum. „Sérstaklega þar sem vegakerfið þarna á Ströndum og á Austfjörðum og undir Mýrdalsjökli þarna á Suðurlandinu, það liggur mjög mikið undir bröttum hlíðum. Allar þessar jarðvegsskriður, aurskriður og grjóthrun, getur allt farið og náð vegum, það eru alveg dæmi um það í skriðugagnagrunninum okkar,“ útskýrir Unnur. Fólk láti vita ef það verður vart við skriðu Veðurstofan hefur ekki fengið upplýsingar um frekari skriðuföll um helgina fyrir utan þá sem féll í Árneshreppi á föstudag. „En við búumst alveg við því að eftir þetta úrkomuskot í nótt og eftir hádegi á morgun að það muni kannski eitthvað falla. Það er líka svo oft að skriðurnar falla kannski tólf klukkustundum eða jafnvel sólarhring eftir mestu úrkomuna, og þá getum við aldrei útilokað að skriðuhættuna þegar úrkoman er búin því þetta tekur stundum tíma að fara af stað,“ segir Unnur. Þá er von á öðru en minna úrkomuskoti á miðvikudaginn sem mun koma inn að landinu á svipuðum slóðum og það sem von er á á morgun. „Þannig við vitum ekki hvort að þetta muni jafnvel vara út vikuna. En við erum alla veganna alveg klár á því núna að þetta sé í dag og á morgun og jafnvel inn á þriðjudaginn,“ segir Unnur „Við viljum alltaf bara hvetja fólk til þess að láta okkur vita ef það sér skriður, skriðuföll í sínu nærumhverfi eða þegar það er að keyra og sér einhverjar litlar spýjur,“ segir Unnur, en hægt er að láta vita í gegnum vef Veðurstofunnar eða í síma 522-6000. Veður Náttúruhamfarir Mest lesið Ráðist á rútubílstjóra og vegfarendur yfirbuguðu árásarmanninn Innlent Formaður og gjaldkeri Vorstjörnunnar kærð fyrir efnahagsbrot Innlent Mikil reiði á Þingeyri vegna flutnings fóðurstöðvar Arctic Fish Innlent „Langflestir Grindvíkingar búa utan Grindavíkurbæjar“ Innlent Metþátttaka í ólöglegri göngu: „Það er mikill hugur í fólki“ Erlent „Ég vorkenni því fólki sem lét narra sig í þessa vegferð“ Innlent Greindi þátt almennings og fjölmiðla í máli „strokufangans“ Innlent Íranir geti aftur byrjað að auðga úran eftir nokkra mánuði Erlent Vonar að Rauði krossinn endurskoði afstöðu sína Innlent Ráðherra vill tryggja betra eftirlit með Sjúkratryggingum Íslands Innlent Fleiri fréttir Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Sjá meira
„Það er að koma annar stengur, vindstrengur, austnorðaustan upp að Suður- og Suðausturlandi og það kemur til með að hvessa á því svæði frá Eyjafjöllum og eitthvað austur fyrir Höfn. Við þekkjum þessa hviðustaði, hann er byrjaður aðeins að belgja sig í Öræfunum og það verða hviður 30-40 metrar á sekúndu, má reikna með þeim sérstaklega við Svínafell, Freysnes og Skaftafell frá því um hádegi og fram á kvöld,“ segir Einar. Að sama skapi séu þekktir hviðustaðir í kringum Reynisfjall og í Mýrdal í þessari vindátt. Þar geti einnig verið varhugavert að vera á ferðinni. „Á þessum stöðum verður þetta gengið yfir austur í Öræfum einhvern tímann fyrir miðnætti en ekki fyrr en í nótt undir Eyjafjöllum, þannig það fer í þetta lunginn úr deginum og kvöldinu,“ segir Einar. Á vef Veðurstofunnar segir að tjöld geti fokið og fólk er hvatt til að huga að lausamunum. Aðstæður eru einnig sagðar varasamar fyrir ökutæki sem taka á sig mikinn vind. Þá eru líkur á talsverðri eða mikilli úrkomu um tíma í Vestmannaeyjum í kvöld. Jarðvegur vel mettaður eftir blautt sumar Unnur Blær A. Bartsch skriðusérfræðingur á vakt hjá Veðurstofu Íslands, segir að hætta sé á skriðuföllum vegna vætuveðurs næstu daga vegna mikillar úrkomu. „Það eru tvö úrkomuskot að koma. Fyrsta kemur í kvöld og nótt og það seinna kemur eftir hádegi á morgun ef að spárnar sem við erum að miða við ganga eftir. Þá er þetta aðallega að leggjast yfir Strandir, en þar féll skriða á föstudagsmorgun,“ segir Unnur. „Síðan eru það Austfirðir og Suðausturland, þetta nær alveg frá Mjóafirði og niður að Öræfum þetta stóra úrkomusvæði og þetta er auðvitað bara svæði sem að við vitum að það falla oft skriður.“ Landið þoli töluvert mikla úrkomu og taki lengi við. „En þetta er bara búið að vera svo blautt sumar og jarðvegur er víða mettaður þannig það er ekkert hægt að útiloka að það falli skriður,“ segir Unnur. Hún hvetur fólk að vera á varðbergi á þekktum skriðusvæðum. „Sérstaklega þar sem vegakerfið þarna á Ströndum og á Austfjörðum og undir Mýrdalsjökli þarna á Suðurlandinu, það liggur mjög mikið undir bröttum hlíðum. Allar þessar jarðvegsskriður, aurskriður og grjóthrun, getur allt farið og náð vegum, það eru alveg dæmi um það í skriðugagnagrunninum okkar,“ útskýrir Unnur. Fólk láti vita ef það verður vart við skriðu Veðurstofan hefur ekki fengið upplýsingar um frekari skriðuföll um helgina fyrir utan þá sem féll í Árneshreppi á föstudag. „En við búumst alveg við því að eftir þetta úrkomuskot í nótt og eftir hádegi á morgun að það muni kannski eitthvað falla. Það er líka svo oft að skriðurnar falla kannski tólf klukkustundum eða jafnvel sólarhring eftir mestu úrkomuna, og þá getum við aldrei útilokað að skriðuhættuna þegar úrkoman er búin því þetta tekur stundum tíma að fara af stað,“ segir Unnur. Þá er von á öðru en minna úrkomuskoti á miðvikudaginn sem mun koma inn að landinu á svipuðum slóðum og það sem von er á á morgun. „Þannig við vitum ekki hvort að þetta muni jafnvel vara út vikuna. En við erum alla veganna alveg klár á því núna að þetta sé í dag og á morgun og jafnvel inn á þriðjudaginn,“ segir Unnur „Við viljum alltaf bara hvetja fólk til þess að láta okkur vita ef það sér skriður, skriðuföll í sínu nærumhverfi eða þegar það er að keyra og sér einhverjar litlar spýjur,“ segir Unnur, en hægt er að láta vita í gegnum vef Veðurstofunnar eða í síma 522-6000.
Veður Náttúruhamfarir Mest lesið Ráðist á rútubílstjóra og vegfarendur yfirbuguðu árásarmanninn Innlent Formaður og gjaldkeri Vorstjörnunnar kærð fyrir efnahagsbrot Innlent Mikil reiði á Þingeyri vegna flutnings fóðurstöðvar Arctic Fish Innlent „Langflestir Grindvíkingar búa utan Grindavíkurbæjar“ Innlent Metþátttaka í ólöglegri göngu: „Það er mikill hugur í fólki“ Erlent „Ég vorkenni því fólki sem lét narra sig í þessa vegferð“ Innlent Greindi þátt almennings og fjölmiðla í máli „strokufangans“ Innlent Íranir geti aftur byrjað að auðga úran eftir nokkra mánuði Erlent Vonar að Rauði krossinn endurskoði afstöðu sína Innlent Ráðherra vill tryggja betra eftirlit með Sjúkratryggingum Íslands Innlent Fleiri fréttir Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Sjá meira