Innlent

Lög­regla leitar manna vegna ráns í Skeifunni

Lovísa Arnardóttir skrifar
Tilkynnt var um rán í verslun í Skeifunni í morgun.
Tilkynnt var um rán í verslun í Skeifunni í morgun. Vísir/Vilhelm

Lögregla leitar nú manna vegna ráns í Skeifunni í morgun. Sérsveit ríkislögreglustjóra var kölluð til aðstoðar vegna ránsins.

Tilkynnt var um ránið rétt eftir klukkan ellefu og fór lögregla og sérsveit á vettvang.

„Það var tilkynnt um mögulegt rán í verslun í Skeifunni,“ segir Ásgeir og að tilkynningin hafi borist um klukkan ellefu. Það sé nú verið að leita að meintum gerendum.

Ásgeir vildi ekki segja hversu margir gerendur væru en sagði þá fleiri en einn. 

„Við erum með þokkalegar vísbendingar um hverjir voru að verki þannig við erum að leita að viðkomandi aðilum,“ segir Ásgeir. 

Veistu meira um málið? Ertu með myndir af vettvangi? Fréttastofa tekur við ábendingum á netfangið ritstjorn@visir.is.

Lögreglumál

Mest lesið


Fleiri fréttir

Sjá meira


×

Mest lesið