Þynnkan bar hópinn ofur­liði og Ína grét úr reiði

Fyrsti þátturinn í þriðju þáttaröðinni af LXS fór í loftið á Stöð 2 í gærkvöldi. Í fyrsta þættinum er gengið mætt til Marokkó og má segja að þátturinn hafi byrjað með látum.

Þættirnir hafa notið mikilla vinsælda. Þar er LXS skvísunum þeim Sunnevu Einars, Birgittu Líf, Magneu Björg, Ástrósu Trausta, Hildi Sif og Ínu Maríu fylgt eftir og skiptast á skin og skúrir.

Fyrsta kvöldið fór hópurinn út að skemmta sér og það rækilega. Sumar þeirra voru að sofna um klukkan þrjú um nóttina og var fyrirhuguð loftbelgaferð við sólarupprás morguninn eftir. Vakning klukkan 5:30.

Það endaði ekki vel fyrir nokkrar en að lokum fóru aðeins þær Magnea og Ína í ferðina, þynnkan var það mikil.

Þetta féll ekki vel í kramið hjá Ínu sem einfaldlega grét úr reiði eins og sjá má hér að neðan.