Út­skrifuð af sjúkra­húsi með hálskraga

Þetta kemur fram í tilkynningu frá dönsku konungshöllinni en greint var frá því í gær að hún hefði verið flutt á sjúkrahús eftir fall.

Hin 84 ára Margrét Þórhildur var lögð inn á Ríkissjúkrahúsið í Kaupmannahöfn á miðvikudagskvöldið.

Í tilkynningunni segir að hún hafi slasast á hálsi og brotið bein í vinstri hendi. Hún verður því með gifs á hendi og með hálskraga næstu mánuðina.

Ennfremur segir að drottningin sé brött og líði eftir atvikum vel.

Margrét Þórhildur tilkynnti í síðasta nýársávarpi sínu að hún myndi afsala sér krúnunni. Friðrik sonur hennar varð þá konungur þann 14. janúar síaðstliðinn, en Margrét Þórhildur hafði þá setið á drottningarstóli síðan 1972.