Innlent

Einn af 103 öku­mönnum reyndist yfir mörkum

Hólmfríður Gísladóttir skrifar
Tveir gistu fangageymslur lögreglu í morgun.
Tveir gistu fangageymslur lögreglu í morgun. Vísir/Vilhelm

Einn af 103 ökumönnum reyndist yfir mörkum við eftirlit lögreglu í gærkvöldi, þar sem settur var upp „ölvunarpóstur“ á Reykjanesbraut. Aðrir reyndust í lagi.

Þetta er meðal þess sem kemur fram í yfirliti lögreglu yfir verkefni næturinnar.

Lögregla var einnig með eftirlit í miðborginni og Vesturbæ, þar sem nokkrir voru sektaðir fyrir að aka gegn rauðu ljósi, tala í farsíma við akstur eða aka án ökuréttinda.

Þá voru einnig höfð afskipti af ungmenni á bifhjóli sem var bæði án hjálms og réttinda. Málið var unnið í samvinnu við foreldra.

Lögreglu bárust einnig tilkynningar um þjófnaði í verslunum í póstnúmerunum 110 og 210.

Lögreglumál

Mest lesið


Fleiri fréttir

Sjá meira


×

Mest lesið