Fótbolti

Miða­sala hafin á EM 2025 og skipu­lagning hafin fyrir 2029

Ágúst Orri Arnarson skrifar
„Sjáumst í Sviss!“ sögðu stelpurnar okkar og þangað liggur leiðin á næsta ári. Eftir fjögur ár gætu þær svo farið á sitt sjötta EM í röð.
„Sjáumst í Sviss!“ sögðu stelpurnar okkar og þangað liggur leiðin á næsta ári. Eftir fjögur ár gætu þær svo farið á sitt sjötta EM í röð. Vísir / Hulda Margrét

Fimm formleg boð bárust til UEFA um að halda Evrópumót kvenna í knattspyrnu árið 2029. Frá Þýskalandi, Póllandi, Portúgal og Ítalíu, auk sameiginlegs boðs frá nágrannaþjóðunum Danmörku og Svíþjóð.

UEFA kynnti boð landanna í dag. Formleg ákvörðun um staðsetningu mótsins verður hins vegar ekki tekin fyrr en á aðalþingi UEFA í desember.

Norðurlandaþjóðirnar Svíþjóð og Danmörk hafa því slitið sig lausa frá Finnlandi og Noregi en þjóðirnar fjórar buðust til að halda EM 2025, sem mun fara fram í Sviss.

Auk þess buðust Frakkland og Pólland til að halda EM 2025, Frakkland virðist hins vegar hafa fengið sig nóg af íþróttaviðburðum eftir Ólympíuleikana í sumar og lagði ekki fram boð í EM 2029.

2025 í Sviss

Áætlanir UEFA, sem einnig voru kynntar í dag, gera ráð fyrir um 150.000 fótboltaferðalöngum í Sviss á næsta ári.

Miðasala á mótið hófst í gær, en Ísland er ein af átta þjóðum sem hefur tryggt sér sæti á EM 2025 í Sviss. Fimmtán þjóðir munu taka þátt, endanleg niðurröðun mun liggja fyrir í nóvember og dregið verður í riðla þann 16. desember.

Landslið kvenna í fótbolta EM 2025 í Sviss

Mest lesið


Fleiri fréttir

Sjá meira


×

Mest lesið