Fagnaðu 30 ára af­mæli lakkrístoppsins

„Nú fer að líða að baksturstímabilinu á mörgum heimilum en þar eru smákökur af ýmsum stærðum og gerðum auðvitað vinsælar,“ segir Anna Fríða Gísladóttir, fram­kvæmda­stjóri markaðssviðs Nóa Síríus. „Það er svo mikilvægt fyrir okkur að staldra aðeins við í öllum látunum á aðventunni, eiga góðar samverustundir með okkar nánasta fólki heima fyrir og skapa góðar minningar. Þá er einmitt tilvalið að skella í lakkrístoppa sem byggir á einfaldri uppskrift og er um leið gómsætur og vinsæll biti fyrir fólki á öllum aldri.“

Það gera sér ekki allir grein fyrir því að lakkrístoppurinn er alíslenski uppfinning en saga hans er mjög skemmtileg. „Þetta byrjaði allt saman árið 1994 en þá var haldin smákökukeppni á vegum matreiðsluklúbbsins Nýir eftirlætisréttir. Meðal þeirra sem tóku þátt var Hrefna Guðmundsdóttir frá Sauðárkróki en hún bjó yfir uppskrift sem átti svo sannarlega eftir að breyta íslenskum jólum. Upphaflega voru þeir kallaðir Kurltoppar en seinna meir festist nafnið Lakkrístoppar.“

Rúmlega þúsund manns sendu inn uppskriftir í keppnina. Lokakeppnin fór fram í Borgarkringlunni og bar umrædd Hrefna sigur úr býtum. „Uppskriftin sló strax í gegn fyrir jólin 1994 og seldist allt Nóa lakkrískurl upp, slíkur var spenningurinn. Til gamans má nefna að á þessum tíma var önnur Hrefna búsett á Sauðárkróki. Hún fékk svo mörg símtöl á þessu tímabili þar sem fólk leitaði ráða vegna bakstursins að hún íhugaði um tíma að taka nafn sitt úr símaskránni.“

Hefðbundin útgáfa af lakkrístoppum inniheldur einungis fjögur hráefni, þar af tvö frá Nóa Síríus, Síríus rjómasúkkulaði og Nóa lakkrískurl. Hin tvö eru eggjahvítur og púðursykur. „Það er því lítið mál að skella í eina uppskrift. Hrærivélin sér um mestu vinnuna og þeir bakast á um fimmtán mínútum í ofni.“

Uppskriftina af lakkrístoppum má finna á umbúðum Eitt sett lakkrískurlsins og er eins og fyrr segir einföld og fljótleg. „Í tilefni 30 ára afmælisins fengum við Lindu Ben til að uppfæra uppskriftina. Útkoman er lakkrístoppar með Nóa smá kroppi sem er ný vara sem var að koma á markað. Þetta eru mjög ljúffeng og skemmtileg útgáfa þannig að nú gefst landsmönnum kostur á tveimur spennandi lakkrístoppum fyrir jólin.“

Nóa KroppToppar Lindu Ben: