Kölluð út eftir að skip­verji slasaðist á hendi

Í tilkynningu frá Landhelgisgæslunni segir að áhöfn skipsins hafi haft samband við stjórnstöð Landhelgisgæslunnar, tilkynnt um atvikið og siglt í átt að Siglufirði. 

„Við nánara mat á ástandi mannsins, og þar sem löng sigling var til Siglufjarðar og veðurspá slæm, var ákveðið að sækja hann með þyrlu.

Þyrla Landhelgisgæslunnar tók á loft frá Reykjavík um klukkan 19:30 og var komin að skipinu einni og hálfri klukkustund síðar en þá var skipið statt um 60 sjómílur norður af Siglufirði. Vel gekk að hífa skipverjann um borð í þyrluna.

Þyrlan lenti á Reykjavíkurflugvelli um kl. 23 og var maðurinn fluttur með sjúkrabíl á Landspítalann,“ segir í tilkynningunni.