Körfubolti

Þjálfari Vals ekki með at­vinnu­leyfi og þarf að fara úr landi

Valur Páll Eiríksson skrifar
Jamil Abiad var ekki á hliðarlínunni í gær og missir af leik kvennaliðsins á sunnudag.
Jamil Abiad var ekki á hliðarlínunni í gær og missir af leik kvennaliðsins á sunnudag. vísir/Diego

Atvinnuleyfi Jamils Abiad, þjálfara kvennaliðs Vals í körfubolta og tímabundins þjálfara karlaliðs félagsins, er útrunnið. Hann var fjarverandi í sigri karlaliðsins á KR í gær og verður einnig frá þegar kvennalið Vals mætir Aþenu á sunnudag.

Valur er án Finns Freys Stefánssonar, þjálfara karlaliðsins, sem hefur verið í veikindaleyfi og Jamil þjálfað liðið í hans stað í fyrstu sex leikjum liðsins í Bónus deild karla. Hann er samhliða því þjálfari kvennaliðs félagsins sem hann hefur stýrt í vetur.

Jamil var fjarverandi þegar Valur mætti KR í gær og sagður veikur. Landsliðsmaðurinn Kristófer Acox, sem er leikmaður Vals, stýrði liðinu til sigurs á uppeldisfélagi hans KR ásamt Finni Atla Magnússyni.

Heimildir Vísis herma að ástæða fjarveru Jamils séu ekki veikindi. Öllu heldur er hún sú að atvinnuleyfi kanadíska þjálfarans er útrunnið. Misfarist hafi að endurnýja leyfið í sumar.

Jamil sér því fram á að þurfa að fara úr landi áður en hægt sé að endurnýja atvinnuleyfið.

Gera má ráð fyrir að hann verði ekki á hliðarlínunni þegar kvennalið Vals mætir Aþenu í sjöttu umferð Bónus deildar kvenna á sunnudagskvöld.

Bónus-deild karla Valur Körfubolti

Tengdar fréttir

Finnur Freyr í veikindaleyfi

Þjálfari Íslandsmeistara Vals, Finnur Freyr Stefánsson, stýrir liðinu ekki í leiknum gegn Þór Þ. í Bónus deild karla í kvöld vegna veikinda.

Kristófer: Þetta virkaði allavega í kvöld

Kristófer Acox var í hlutverki þjálfara í kvöld þegar Valur tók á móti KR í fjarveru Jamil Abiad sem var veikur í dag. Valur vann sigur á KR og má telja að hann hafi verið mjög mikilvægur upp á sálarlíf Íslandsmeistaranna.

Mest lesið


Fleiri fréttir

Sjá meira


×

Mest lesið