Innlent

Á­kærður fyrir stunguárásina á Menningar­nótt

Magnús Jochum Pálsson skrifar
Lögregla að störfum á Skúlagötu eftir stunguárásina á Menningarnótt.
Lögregla að störfum á Skúlagötu eftir stunguárásina á Menningarnótt.

Sextán ára piltur sem er grunaður um að hafa banað stúlku og sært tvö önnur ungmenni í stunguárás á menningarnótt hefur verið ákærður.

Embætti héraðssaksóknara hefur gefið út ákæru á hendur sextán ára pilti vegna hnífstunguárásar sem átti sér stað við Skúlagötu á Menningarnótt, 24. ágúst síðastliðinn. Dagmar Ösp Vésteinsdóttir, saksóknari hjá héraðssaksóknara, staðfesti þetta í samtali við fréttastofu. Rúv greindi fyrst frá.

Hin sautján ára gamla Bryndís Klara Birgisdóttir lést eftir árásina og tvö önnur ungmenni særðust. 

Vísir greindi frá því fyrr í dag að rannsókn lögreglunnar á stunguárásinni væri lokið og að lögregla væri búin að senda gögn málsins til héraðssakóknara. 

Ei­rík­ur Val­berg, lög­reglu­full­trúi hjá miðlægri deild lög­regl­unn­ar, sagði í samtali við fréttastofu að pilturinn væri enn í gæsluvarðhaldi.

Lögreglumál Stunguárás við Skúlagötu Reykjavík

Tengdar fréttir

Rannsókn lokið á stunguárásinni við Skúlagötu

Rannsókn lögreglunnar á stunguárás við Skúlagötu í Reykjavík, sem átti sér stað á Menningarnótt, 24. ágúst síðastliðinn, er lokið. Lögregla hefur sent gögn málsins til Héraðssakóknara.

Mest lesið


Fleiri fréttir

Sjá meira


×

Mest lesið